16 12 2020

Վնասվածքաբանների և օրթոպեդների ասոցիացիան միացել է Փաշինյանի հրաժարականի պահանջին

Վնասվածքաբանների և օրթոպեդների ասոցիացիան միացել է Փաշինյանի հրաժարականի պահանջին

Հայաստանի վնասվածքաբանների և օրթոպեդների ասոցիացիան հանդես է եկել հայտարարությամբ՝ պահանջելով Նիկոլ Փաշինյանի և նրա կառավարության հրաժարականը: Հայտարարության տեքստը՝ ստորև.

«Արցախյան երրորդ պատերազմի կապիտուլյացիոն պայմանագիրը և դրա հետևանքով ստեղծված իրավիճակը աղետալի են Հայաստանի և Արցախի համար: Բժիշկները միշտ եղել են պետության և ժողովրդի կողքին՝ կատարելով իրենց մասնագիտական պարտքը, անելով հնարավորը և անհնարինը: Եվ այսօր, բացի բժիշկ լինելուց, մենք նաև քաղաքացիներ ենք՝ նվիրված մեր հայրենիքին:

Հայաստանի վնասվածքաբանների և օրթոպեդների ասոցիացիան, ի դեմս ինձ՝ նախագահ բ.գ.դ., պրոֆեսոր Վաչագան Այվազյանի, ձայների ճնշող մեծամասնությամբ միանում է ներկայիս իշխանությունների հրաժարականի կոչին և այս հարցը համարում խիստ հրատապ: Մենք գտնում ենք, որ հայ ժողովուրդը կարող է գտնել արժանի առաջնորդ՝ երկիրը այս աղետալի վիճակից հանելու համար: Հանուն Հայաստանի, Արցախի և Սփյուռքի ապագայի:

Հարգանքով՝ բ.գ.դ. պրոֆեսոր, ԲԳԱ ակադեմիկոս, Հայաստանի վնասվածքաբանների և օրթոպեդների ասոցիացիայի նախագահ Վաչագան Պետրոսի Այվազյան»:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ