23 09 2020

Հ1-ը չի անդրադարձել կառավարության-շենքի մոտ ՌԴ մեկնել ցանկացողների բողոքի ակցիային․ «Մեդիա պաշտպան»

Հ1-ը չի անդրադարձել կառավարության-շենքի մոտ ՌԴ մեկնել ցանկացողների բողոքի ակցիային․ «Մեդիա պաշտպան»

Հանրային հեռուստաընկերությունը չի անդրադարձել կառավարության շենքի մոտ Ռուսաստան մեկնել ցանկացողների բողոքի ակցիային: Այս մասին հայտնում են «Մեդիապաշտպանի» ֆեյսբուքյան էջում:

«Հանրային հեռուստաընկերությունը սեպտեմբերի 22-ին չի անդրադարձել կառավարության շենքի մոտ Ռուսաստան մեկնել ցանկացողների բողոքի ակցիային։ Երեկ հայտնի դարձավ, որ ՌԴ-ն որոշել է բացել օդային սահմանները ԵԱՏՄ անդամ բոլոր երկների համար, բացառությամբ՝ Հայաստանի։ Ռուսաստանից պաշտոնապես չեն պարզաբանել այս որոշումը։ Ակցիայի մասնակիցները պահանջում են Հայաստանի կողմից համարժեք քայլեր, սպառնում հացադուլ սկսել։

«Մեդիա պաշտպան» նախաձեռնությունը նկատում է, որ սա առաջին դեպքը չէ, երբ Հանրային հեռուստաընկերության լրատվական ծառայությունը չի ներկայացանում երկրում տեղի ունեցող բողոքի ցույցերը՝ փորձելով քողարկել իշխանությունների նկատմամբ անվստահության ցանկացած դրսևորում։ Նման գործելաոճն անընդունելի է։ Հանրաին միջոցներից ֆինանսավորվող հեռուստաընկերությունը պարտավոր է սպասարկել հանրային շահն ու ներկայացնել անաչառ ու անկողմնակալ տեղեկատվություն»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ