Կորոնավիրուսի հետևանքով մահացած տատիկի կորած դին գտնվել է. Նաիրա Զոհրաբյան

Կորոնավիրուսի հետևանքով մահացած տատիկի կորած դին գտնվել է։

«Նրան հուղարկավորել էին Նոր Հաճնում ու հիմա արտաշիրիմում կարվի։ Քիչ առաջ դիահերձարանից կորած գյումրեցի տատիկի դին գտնվեց։ Ինչպես և ենթադրելի էր, անփութության հետևանքով տատիկին հանձնել էին այլ անձանց, որպես իրենց հանգուցյալ և տատիկը հուղարկավորվել էր Նոր Հաճնի գերեզմանոցում։ Այս պահին տատիկի հարազատները ոստիկանական բաժանմունքում են, որից հետո, սահմանված կարգով կիրականացվի արտաշիրիմում և տատիկի դին կտեղափոխվի Գյումրի։ Դժվար է ասել սա այս պատմության happy end-ն է, թե՝ ոչ, բայց հանգստություն տատիկի հոգուն և հույս ունենանք, որ մյուս տարեց կնոջ դին, որի փոխարեն հուղարկավորեցին գյումրեցի տատիկին՝ դեռ չեն կորցրել և կհանձնեն հարազատներին», - ֆեյսբուքյան իր էջում գրել է ԱԺ պատգամավոր Նաիրա Զոհրաբյանը։ Հիշեցնենք՝ երեկ հայտնի դարձավ, որ հունիսի 29-ի առավոտյան «Գրիգոր Լուսավորիչ» կլինիկայում կորոնավիրուսի հետևանքով մահացած տատիկի դին չեն կարողանում գտնել: Առողջապահության նախարարությունն արձագանքել էր դեպքին՝ նշելով, որ հանգամանքները ճշտելու համար տեղեկացված է ոստիկանությունը: