Ճոպանուղիները, հանգստյան գոտիները, հյուսիսային պողոտան ո՞վ էր սարքել. պապ ու թոռան զրույց

Արմեն Ասատրյանը ֆեյսբուքյան իր էջում գրում է.

Պապն ու թոռնիկը․․․․

Ծերունի Նիկոլը, ով արդեն մի ոտքով այն աշխարհում է, զբոսնում է թոռնիկի հետ։ Ասենք Մարիամի․․․ չէ, ասենք Արփիի երեխայի հետ։

-Պապիկ, Իջևանից, որ գալիս էինք Երևան, էն երկար թունելը, որ կար, դա ում ժամանակներում է կառուցվել,-ասաց թոռնիկը՝ մտածելով, որ պապը մի բան թողած կլինի իրենից հետո․
-Քոչարյանն է սարքել, բայց նա լավ ղեկավար չի եղել․
-Իսկ ճանապարհին, որ ինձ տարար Ծաղկաձոր, ճոպանուղիները, հանգստյան գոտիները․
-Լևոն Մեծագործի ժամանակ դրա փոխարեն ամայի դաշտ ու տատասկ էր, Քոչարյանը եկավ ու Ծաղկաձորը դարձավ տարածաշրջանում հայտնի ձմեռային հանգստի գոտի, բայց դու չգիտես՝ ինչ փողերով, դա ոնց է կառուցվել, նա լավը չի եղել․
-Իսկ որ Երևանում էն մեր սիրելի նկարն ունենք, դա ո՞ւմ ժամանակ է կառուցվել, Գերմանիայի ղեկավարի հետ այդտեղ նկար ունես․
-Հյուսիսային պողոտայի հետ ես բալես, Քոչարյանը եկավ, հին ու պատմամշակութային շենքերը քանդեց, տեղը դա սարքեց, սիրուն է շատ, բայց Քոչարյանը լավ ղեկավար չի եղել, մեկ է․
-Իսկ որ գնում էինք Դավիթաշեն, հոպարենց տուն, էդ մեծ կամուրջն ով սարքեց․
-Քոչարյանը, մի ժամանակ Դավիթաշենը աղքատ ու լքված թաղամաս էր, Քոչարյանը թալանած փողերի մի փոքր մասով դա սարքեց, տների գները բարձրացան, Դավիթաշենը դարձավ հսկա արվարձան, թանկ անշարժ գույքով․
-Պապիկ էս ով է սարքել․
-Էդ վատ ղեկավարը, Քոչարյանը․
-Պապիկ բա էս մեկը՞
-Դա էլ․․․

Եկավ հետ գնալու ժամանակը․․

-Պապիկ, ինչու Սպիտակով հետ գնացինք․
-Որ տեսնես՝ ինչքան է թալանել Քոչարյանը․
-Բայց էնտեղ ամենուր նորակառույցներ էին, երկրաշարժն այնտեղ էր եղել չէ՞
-Հա, Քոչարյանի ժամանակ կառուցվեց, էդ վատ ղեկավարի․
-Պապիկ, իսկ որ դու էիր ղեկավար, ի՞նչ ես կառուցել, ինչ ես թողել քեզնից հետո․
-Ե՞ս, ես որ վարչապետ էի, կալանավորեցի Քոչարյանին․
-Ինչո՞ւ
-Վատ ղեկավար է եղել․․․

-Պապիկ, շատ կուզեի, որ դու էլ վատ ղեկավար լինեիր, ասաց անմեղ երեխան ու Նիկոլն այդ օրը փչեց շունչը․․․