Տեղեկատվության տրամադրման ժամը անցել է. Գևորգ Գրիգորյան

Առողջապահության կազմակերպիչ Գևորգ Գրիգորյանը գրել է․

«Հարգելի Պարետատուն,

այսօր, առավել քան երբևէ, անհրաժեշտ է, որպեսզի ժողովուրդը վստահի Ձեզ և Ձեր կողմից տրամադրված տեղեկատվությանը, ուստի հորդորում եմ չխախտել ճշտապահությունը և չուշացնել տեղեկատվությունը, քանզի դա հղի է լուրջ հետևանքներով, մասնավորապես ժողովրդի որոշ շերտերի վստահության կորստի և ժողովրդի անհանգստությունից առաջացող խուճապի հետևանքներով:

ժողովուրդը սրտատրոփ սպասում է տեղեկատվության թարմեցմանը Ձեր կողմից նշված ժամին` յուրաքանչյուր օր 11:00-ին:

Տեղեկատվության տրամադրման ժամը անցել է:

Գրառմանս անհրաժեշտությունը առաջացել է այս 20 րոպեի ընթացքում ստացած 10-ից ավելի զանգերի և բազմաթիվ նամակների ընթերցման արդյունքում:

#կորոնավիրուսի հաղթահարման անհրաժեշտ նախապայման է հանդիսանում փոխադարձ վստահության առկայությունը:
Մի սասանեք այդ վստահությունը...»։