Մոսկվայում տեղի ունեցած հրաձգությունը հատուկ ծառայությունները որակում են որպես ահաբեկչություն

Մոսկվայի կենտրոնական Բոլշայա Լուբյանկա փողոցում տեղի ունեցած հրաձգության հետևանքով տուժել է հինգ մարդ, որոնց բուժօգնություն է ցուցադրվում: Այս մասին հայտնում է РИА Новости-ն՝ մեջբերելով ՌԴ առողջապահության նախարարության տվյալները:

ՌԴ Անվտանգության դաշնային ծառայությունից, անհայտ անձը կրակ էր բացել փողոցի թիվ 12 տան մոտակայքում: Ավելի ուշ առողջապահության նախարարությունից հայտնել են, որ անվտանգության ծառայության մեկ աշխատակից է զոհվել:

Ведомости-ի փոխանցմամբ՝ հարձակումը տեղի է ունեցել Կուզնեցկի մոստ 23 հասցեում գտնվող Անվտանգության դաշնային ծառայության շենքի ընդունարանի մոտ: Երեք անհայտ անձինք ներխուժել են տարածք և կրակ բացել: Փոխհրաձգության ժամանակ հարձակվողներից երկուսը սպանվել են, մեկին հաջողվել է դուրս վազել փողոց, որտեղից շարունակել է կրակել, ինչի հետևանքով էլ զոհվել է ընդունարանի դիմաց հերթապահող աշխատակիցը:

Հրաձգությունը շարունակվել է, որի ընթացքում հարձակման երրորդ մասնակիցը ևս սպանվել է:

Անվտանգության դաշնային ծառայությունից հայտնում են, որ ՌԴ հատուկ ծառայությունները կատարվածը որակում են որպես ահաբեկչություն: