28  05  2019

Ադրբեջանցի հաքերները հայ օգտատերերի ֆեյսբուքյան տվյալներ են հրապարակել. Սամվել Մարտիրոսյան

Ադրբեջանցի հաքերները հայ օգտատերերի ֆեյսբուքյան տվյալներ են հրապարակել. Սամվել Մարտիրոսյան

ՏՏ անվտանգության փորձագետ Սամվել Մարտիրոսյանը ֆեյսբուքյան գրառում է արել, որում տեղեկացնում է, որ ադրբեջանցի հաքերները 2000-ից ավել հայ օգտատերերի ֆեյսբուքյան տվյալներ են հրապարակել։

«Հարգելի հայրենակիցներ։ Ադրբեջանական հաքերներն այսօրվան նվիրված հարձակում են իրականացրել և հրապարակել են 2 հազարից ավելին հայկական ֆեյսբուքյան լոգին և գաղտնաբառեր։ Դեռ շատերը կոտրած չեն, նենց որ կհասցնեք շուտ փոխել գաղտնաբառը, եթե կաք այս ցուցակում։ Ես գաղտնաբառերը հեռացրել եմ, բնականաբար։ Նաև շատ կրկնվողներ էլ կան»,- գրել է նա։

Սամվել Մարտիրոսյանը գրառմանը նաև կցել է հիպերլինք, որի վրա սեղմելով օգտատերերը կարող են պարզել, թե արդյոք իրենց տվյալները նույնպես կան այդ ցուցակում։ Նա նաև ցուցումներ է տվել, թե ինչ անել տվյալ իրավիճակում։

«1. Գտնելու համար Ctrl F եք անում և որոնում ձեր լոգինը։ Մի մասինը հեռախոսների համարներ են։ 

2. Եթե նույն գաղտնաբարը այլ տեղ եք օգտագործել, այնտեղ էլ փոխեք։ 

3. Հիմնականում կտեսնեք mail.ru օգտատերերի։ Ամեն անգամ մի զարմացեք, պարզապես հիմնականում mail.ru է տարածված Հայաստանում և այդ մարդկանց են որսում։

4. Ու հասկանում եք, որ պետք է շատ արագ գտնել ու փոխել, քանի չեն ներխուժել։

5. Եթե արդեն կոտրել են, ֆեյսբուքից դուրս եկած վիճակում մտեք այստեղ և փորձեք վերականգնվել։

6. Նամակներով եկած հղումները մի բացեք»,– գրել է Սամվել Մարտիրոսյանը։ 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ