Լարված իրավիճակ` Արագած գյուղում. Tert.am

Արագածոտնի մարզի Ապարանի շրջանի Արագած գյուղի բնակիչները փակել են Երևան-Վանաձոր միջպետական մայրուղին։ Պատճառը ՀԷԿ-ի աշխատանքն է, որը վնասում է գյուղի հողերին։ Tert.am-ի հետ զրույցում այս մասին հայտնել է Արագած գյուղի վարչական ղեկավար Հենրիկ Հովհաննիսյանը։

Նրա խոսքով՝ 4 ամիս առաջ բնակիչների պահանջով ՀԷԿ-ի աշխատանքը դադարեցվել էր, երեկ աշխատանքը վերականգնվել է, որն էլ առաջացրել է բնակիչների դժգոհությունը. «Ժողովուրդը դժգոհում է, որ ուսումնասիրություն չի արվել, նրանց չեն տեղեկացրել աշխատանքի վերականգնման մասին։ Մի խոսքով՝ անելանելի վիճակ։ Երեկվանից են հավաքվել են, պահանջում են, որ մարզպետը, տարածքային կառավարման նախարարը գան, լսեն նրանց»։

Հենրիկ Հովհաննիսյանը նաև նշել է, որ Ապարանի համայնքապետը բնակիչներին տեղեկացրել է՝ մարզպետը գալիս է նրանց հետ հանդիպման։