12 11 2018

Սմարթֆոնները մեծ վնաս են հասցնում էկոլոգիային․ գիտնականներ

Սմարթֆոնները մեծ վնաս են հասցնում էկոլոգիային․ գիտնականներ

Կանադական Մաքմասթերի համալսարանի մասնագետները հանգել են այն եզրակացությանը, որ սմարթֆոնների արտադրության վնասակար թափոնները նշանակալիորեն կշատանան մոտակա 20 տարում։ Հետազոտությունը հրապարակվել է Journal of Cleaner Production պարբերականում, գրում է Life.ru-ն։

Փորձագետների խոսքով՝ այս պահին սմարթֆոնների արտադրությանն է պատկանում մթնոլորտ արտանետվող ածխածնի գազի արտանետումների ողջ ծավալի մեկ տոկոսը։ Ըստ հաշվարկների՝ արդեն 2040 թվականին այդ ցուցանիշը կհասնի 14 տոկոսի։ Դրա պատճառը սարքավորումների «կեղտոտ» արտադրությունն է և սմարֆոնների օգտագործման հարաբերական ոչ մեծ ժամկետը։

Գիտնականները նշում են, որ մեկ սմարթֆոնից մթնոլորտ վնասակար արտանետումների 85-95 տոկոսը տեղի է ունենում դրա արտադրության ժամանակ։ Այսպիսով մասնագետները խորհուրդ են տալիս ողջամտությամբ մոտենալ էկոլոգիային և որքան հնարավոր է հազվադեպ փոխել սմարթֆոնները։

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ