Ի՞նչ կատարվեց ադրբեջանական ամենամեծ դրոշի հետ

2010 թվականին Ադրբեջանը կառուցեց աշխարհում ամենաբարձր դրոշաձողը, որի վրա ֆուտբոլի դաշտի մեծության դրոշ էր։ Հաջորդ օրը դրոշը պատռվեց, իսկ կես տարուց Տաջիկստանում կառուցեցին նրա մրցակիցը, իսկ հետո դրոշն ընդհանրապես հանեցին ու չվերադարձրեցին իր տեղը։ Նոյեմբերի 9-ին Ադրբեջանը Ազգային դրոշի օրը տոնում է առանց դրոշի՝ նրա անվան հրապարակում։ Թե ինչ եղավ ռեկորդակիր դրոշը, փորձել է պարզել BBC-ն։

Բաքվում Պետական դրոշի հրապարակ կա, որտեղ մեկուկես տարի առաջ 162 մետրանոց ձողի վրա ծածանվում էր ազգային դրոշը։ 2017թ․ մոտ 30 մլն արժողությամբ ծրագիրը վերանորոգման տարան, բայց այդպես էլ հետ չբերեցին։

Դրոշի հրապարակի բացումը 2010թ․ սեպտեմբերի 1-ին էր։ Այն ուղեկցվում էր լազերային շոուներով եւ հրավառություններով։ Հենց հաջորդ օրը դրոշը պատռվեց կասպիական սաստիկ քամուց, և այն իջեցրին։

Դրոշաձողի ողջ կոնստրուկցիան 220 տոննա է կշռում, միայն դրոշը՝ 350 կգ, և ինչպես բացմանն ասաց երկրի նախագահը, համարյա ֆուտբոլի դաշտի չափ է։ Այս ծրագիրն իրականացրել են ամերիկյան Trident Support և ադրբեջանական Azenko ընկերությունները։ Դրա վրա ծախսվել է 25 միլիոն դոլար։

Այսօր ամենաբարձր դրոշաձողի ռեկորդը (2014-ից) պատկանում է Սաուդյան Արաբիային՝ 170 մետր։ Ադրբեջանական դրոշաձողը երրորդն է՝ տաջիկականից և սաուդականից հետո։

Այսօր Ադրբեջանում չի գործում նաև Դրոշի հրապարակը, այնտեղ պահակներ կան և ոչ ոքի ներս չեն թողնում։