17 10 2018

Տարհանվել է 60 բնակիչ. կան տուժածներ

Հոկտեմբերի 16-ին «911» ծառայությանն ահազանգ է ստացվել, որ Աբովյան քաղաքում՝ «Սիրիուսի» 1-ին հանրակացարանի բնակարաններից մեկում, հրդեհ է բռնկվել:

Այս մասին տեղեկանում են ՀՀ արտակարգ իրավիճակների նախարարությունից:

Դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից երեք մարտական հաշվարկ, Ճգնաժամային կառավարման ազգային կենտրոնի արտակարգ իրավիճակների արձագանքման խումբը և Հատուկ նշանակության փրկարարական աշխատանքների իրականացման կենտրոնի փրկարարական ջոկատը:

Հրդեհաշիջման աշխատանքների ընթացքում թիվ 1 հանրակացարանից տարհանվել է 60 բնակիչ, որոնցից 3-ը տեղափոխվել են Աբովյանի ԲԿ:

Հրդեհը մեկուսացվել է ժամը 20:34-ին, մարվել՝ 21:00-ին: Ամբողջությամբ այրվել է 62 բնակարանը և նույն հարկում գտնվող 7 բնակարանների դռներ:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև

Հասարակություն 02 04 2024

Ստամբուլում խոշոր հրդեհ է բռնկվել․ 16 հոգի մահացել է

Ստամբուլի Բեշիքթաշ շրջանում գտնվող գիշերային ակումբում խոշոր հրդեհ է բռնկվել․ Վիրավորները 11-ն են, որոնցից 7-ը՝ ծայրահեղ ծանր