Մահացել է ԱԺ նախկին պատգամավոր Տիգրան Եգանյանը

Մյունխենի հիվանդանոցում մահացել է ԱԺ 2003-2007 գումարման պատգամավոր Տիգրան Ռաֆայելի Եգանյանը: 

Տիգրան Եգանյանը ծնվել է 1978թ. փետրվարի 7-ին Երեւանում: 1999թ. ավարտել է Երեւանի պետական համալսարանի տնտեսագիտական ֆակուլտետը:

1999-2002թթ. սովորել է Երեւանի ժողովրդական տնտեսության ինստիտուտի ասպիրանտուրայում՝ 2002թ. պաշտպանել գիտական թեզ եւ ստացել տնտեսագիտական գիտությունների թեկնածուի գիտական աստիճան:

2000-2003թթ. աշխատել է ՀՀ կառավարության աշխատակազմում: 2003-2005թթ. եղել է ՀՀ Ազգային ժողովի նախագահի խորհրդական:

2005թ. ԱԺ պատգամավոր է ընտրվել ՕԵԿ համամասնական ընտրացուցակով:

2006թ. մայիսի 25-ից` «Գործարար» պատգամավորական խմբի անդամ, Աժ սոցիալական, առողջապահության եւ բնության պահպանության հարցերի մշտական հանձնաժողովի անդամ: Վերջին տարիներին զբաղվում էր գործարարությամբ: