![](/images/logo.png)
![](/templates/yerevantoday/images/logo_small.png)
Երևանն այսօր
«Արևմուտքում փնտրել արցախահայերի վերադարձի հարցերը, դա նույնն է՝ գնալ գայլերի մոտ և գայլերի կազմակերպած հենց բռնագաղթի ենթարկված գառների ապահովությունն ապահովելու փորձեր անել»,- «Դիվանագետների համահայկական խորհուրդ» հասարակական կազմակերպության նախաձեռնած «Հայաստանի արդի մարտահրավերները և դրանց հաղթահարման այլընտրանքային ուղիները» կլոր սեղան-քննարկման ժամանակ ասաց մեդիափորձագետ Տիգրան Քոչարյանը։
Նա հիշեցրեց, որ ԱՄՆ կոնգրեսական Ֆրենկ Փալոունը Պետրոս Ղազարյանին տված հարցազրույցում ասել էր, որ Արցախը պետք է դառնա Ադրբեջանի մաս, իսկ արցախահայերը պետք է պայքարեն ինչ-որ մշակույթի ինքնավարության համար։
«Այնուհետև Մակրոնի քավորությամբ Արցախը Պրահայում հանձնվեց Ադրբեջանին, դրա համար մի փոքր անհասկանալի է, թե ինչու ենք մենք Արևմուտքից փորձում արցախահայության համար ինչ-որ «գարանտիաներ» ստանալ։ Սա այն դեպքում, երբ հասկանալի է, թե այստեղ ինչ է ուզում անել Արևմուտքը։ Խոսքը վերաբերում է անգլոսաքսոնական միջազգային հանրությանը, դա ռուսական տարրի չեզոքացումն է տարածաշրջանում, այնուհետև հարձակում Իրանի վրա: Սա բացահայտ պարզ է, բոլոր քայլերը գնում են դրան, և Նիկոլ Փաշինյանը հետզհետե ամեն ինչ անում է»,- շեշտեց Տիգրան Քոչարյանը։
Մեդիափորձագետի կարծիքով՝ պետք է փորձել մի փոքր այլ ուղղությամբ կարգավորել Արցախի հարցը՝ պետք է օգտագործել Ռուսաստան-Չինաստան-Իրան գիծը, որը ներկա պահին հավասարակշռում է ընդհանուր միտումները։
«Ցավալի բան պետք է ասեմ, բայց ամեն ինչ դուրս է գալիս հենց արցախահայերի կրավորական դիրքից, արցախահայությունը չի խոսում, իրենց փոխարեն՝ մեդիադաշտը տրվել է այնպիսի կերպարների, ինչպիսիք են Ռոման Բաղդասարյանը, Գևորգ Առստամյանը, մարդիկ, ովքեր ներկայացնում են իշխանական կամքը, տանում են այն գիծը, որպեսզի Արցախի հարցը մտցնեն սոցիալական դաշտ, որը ձեռնտու է հենց Եվրոպային»,- եզրափակեց Տիգրան Քոչարյանը։
Մանրամասն՝ տեսանյութում։
* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը