Շատացել են ֆեյսբուքյան և այլ հաշիվները կոտրելու դեպքերը. Մեդիափորձագետը զգուշացնում է

Մեդիափորձագետ Սամվել Մարտիրոսյանը ֆեյսբուքի իր էջում տեսագրություն է հրապարակել, որում հորդորում է որևէ կոդ որևէ մեկին չտալ։

«Եթե ձեզ գրում է ձեր ընկերը, թե իր հաշիվը կոտրել են, արգելափակել են, ենթադրենք 12 այլ ֆեյսբուքյան հաշվի կամ Gmail-ի հետ և խնդում է, որ ձեր գաղտնաբառը, կամ կոդն ուղարկել  և այլն, այն նշանակում է միայն մի բան, որ ձեր ընկերոջ հաշիվն էլ են կոտրել, և ձեզանից կվերցնեն գաղտնաբառը, կամ կոդը և ձեր անունից այն կուղարկեն մյուս ընկերներին։ Չանեք նման բան»,-ասում է Մարտիրոսյանը, զգուշացնելով, որ նման դեպքերը շատացել են։

Նա հայտնում է, որ նաև շատ են դեպքերը, երբ նամակ է, գալիս, որ մարդը մրցույթի է մասնակցում և խնդրում է իր օգտին քվեարկել, լինկեր են ուղարկում, ասում են որ մի կոդ կգա և պետք է այդ կոդը իրեն տալ, և երբ այն տալիս են, ապա տվյալ անհատի հաշիվը գողանում են։

«Կարճ ասած՝ կոդերը ոչ մեկին մի տվեք, ծանոթ կլինի, թե նույնիսկ տանեցիներ»,-հորդորեց Մարտիրոսյանը։