Թուրքիա-Իրան սահմանին երկրաշարժ է եղել․ այն զգացվել է նաև Երևանում

4.3 մագնիտուտ ուժգնությամբ երկրաշարժ է տեղի ունեցել Թուրքիա-Իրան սահմանին։ Այն զգացվել է նաև Հայաստանում։ Հեռավորությունը Երևանի հարավ-արևելքից 82 կմ, տեղական ժամանակով՝ 18:58-ին։ 

ՀՀ ՆԳՆ-ից տեղեկացնում են․ 

«Նոյեմբերի 13-ին, ժամը 18:58-ին (Գրինվիչի ժամանակով ժամը 14:58-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 39.48⁰ և արևելյան երկայնության 44.62⁰ աշխարհագրական կոորդինատներով Իրան՝ Մակու քաղաքից 23 կմ հյուսիս-արևելք, օջախի 10 կմ խորությամբ, 4․3 մագնիտուդով երկրաշարժ:

Էպիկենտրոնային գոտում ստորգետնյա ցնցման ուժգնությունը կազմել է 5-6 բալ:

Երկրաշարժը զգացվել է Արարատի և Վայոց ձորի մարզերում՝ 3-4 բալ, ինչպես նաև Երևան քաղաքում՝ 2-3 բալ ուժգնությամբ»։