Հաղորդում հանցագործության մասին․ մինչ այդ՝ ճանաչեք սրանց դեմքով․ Լիլիթ Գալստյան

«Հայաստան» խմբակցության պատգամավոր, ՀՅԴ անդամ Լիլիթ Գալստյանը գրում է․

«ՀԱՂՈՐԴՈՒՄ ՀԱՆՑԱԳՈՐԾՈՒԹՅԱՆ ՄԱՍԻՆ․

ՄԻՆՉ ԱՅԴ՝ ՃԱՆԱՉԵՔ ՍՐԱՆՑ ԴԵՄՔՈՎ

Սեպտեմբերի 24-ին ՀՀ գլխավոր դատախազին եմ ներկայացրել հանցագործության վերաբերյալ հաղորդում, որը վերաբերում է սոցիալական ցանցում տնտեսագիտության դոկտոր Զոյա Թադևոսյանի ներքոհահիշյալ գրառմանը։

Սույն անձի գրառումն առերևույթ պարունակում է ՀՀ քրեական օրենսգրքի՝

«Ատելություն, խտրականություն, անհանդուրժողականություն կամ թշնամանք հրահրելուն կամ քարոզելուն ուղղված

հրապարակային խոսքը, ինչպես նաև այդ նպատակով նյութեր կամ առարկաներ տարածելը» վերտառությամբ 329-րդ

հոդվածի 2-րդ մասի 3-րդ կետով նախատեսված հանցակազմի հատկանիշներ, այն է անձանց խմբի նկատմամբ ազգային և

էթնիկ ծագումով ու քաղաքական հայացքներով պայմանավորված ատելություն, անհանդուրժողականություն և թշնամանքը։

Պատասխանատվություն պիտի կրեն, այդ թվում հանրային պարսավանքի պիտի արժանանան բոլոր նրանք, ովքեր կփորձեն պառակտել մեզ ու թշնամանք տարածել։

Եթե՝ ոչ նիկոլի արդարադատությունը, ապա հետո՝ հաստատ սրանք չեն խուսափի պատասխանատվությունից։

Մեկ անգամ էլ կրկնեմ՝ առավել ցավալին այն է, որ այս մտքերի հեղինակը լսարան է մտնում։

Հետո զարմանում ենք, թե որտեղից այսքան ատելություն ու չարություն մեր հասարակության մեջ, այսքան պղծված արժեքներ․․․

Նորոգվելու ենք, ուժ ենք գտնելու, մինչ այդ սրանց ճանաչեք դեմքով․․․»։