Գլխավոր դատախազը՝ Հայաստանում ձերբակալված ադրբեջանցի դիվերսանտների մասին

«ՀՀ Սյունիքի մարզ ներխուժած 2 ադրբեջանցու արտահանձնում մինչդատական վարույթի ընթացքում չի լինի։ Դա կարող է լինել միայն դատապարտված անձանց նկատմամբ օրինական ուժի մեջ մտած դատական ակտերի պայմաններում»,- լրագրողների հետ ճեպազրույցում ասաց գլխավոր դատախազ Աննա Վարդապետյանը։

Դատախազի խոսքով՝ երկու անձանցից մեկի վերաբերյալ վարույթն ավարտվել է, և գործն ուղարկվել է դատարան: Մյուսի մասով քննությունը շարունակվում է: Նա մեղադրվում է ծանրացնող հանգամանքներում կատարած սպանության համար, մեղսագրվել են նաև զենքի մաքսանենգության, ապօրինի սահմանահատման, ՀՀ-ում զենք կրելու վերաբերյալ հոդվածներ:

 Հիշեցնենք` ապրիլի 10-ին հայտնի դարձավ, որ Սյունիքի մարզում հայտնաբերվել և ձերբակալվել է ադրբեջանցի զինվոր։ Նիկոլ Փաշինյանը հայտարարեց, թե փախել են զորամասից, մեկը ձերբակալվել է, մյուսն էլ, իր տեղեկություններով, ուզում է վերադառնալ Ադրբեջան, փոշմանել է։ Այնուհետև այդ ադրբեջանցին կատարեց սպանություն, որից հետո ձերբակալվեց։ Մանրամասն՝ տեսանյութում։