Ընդդիմությունը պահանջում է դատապարտել Լաչինի միջանցքի փակումը․ ՔՊ-ն դարձյալ դե՞մ է․ ՈւՂԻՂ

ԱԺ արտաքին հարաբերությունների մշտական հանձնաժողովը նիստ է հրավիրել․  օրակարգում՝  ընդդիմադիր «Հայաստան» խմբակցության ներկայացրած ՝ Հայաստանի Հանրապետության Ազգային ժողովի հայտարարությունն է՝  Ադրբեջանի կողմից Լաչինի միջանցքը պարբերաբար փակելու կապակցությամբ։ «Հայաստան» խմբակցությունից հայտարարության նախագիծը ներկայացնում է Անդրանիկ Թևանյանը։

Հիշեցնենք, որ ընդդիմությունը նախորդ անգամ ներկայացրած հայտարարությամբ շեշտում էր, որ խախտվում են միջազգային մարդասիրական իրավունքի մի շարք նորմեր․ Ադրբեջանի կողմից տեղի է ունենում նոյեմբերի 9-ի հայտարարության խախտում, և ռուս խաղաղապահները պետք է ներդնեն բոլոր ջանքերը՝ բացելու միջանցքը, Հայաստանն իր բոլոր տիպի աջակցությունը պետք է հայտնի այն գործողություններին, որոնք միտված են Արցախի ապաշրջափակմանը: Խմբակցության հայտարարությունում նաև մատնանշվում է,  որ այս գործողությունը ևս մեկ անգամ ցույց է տալիս, որ Արցախը չի կարող լինել Ադրբեջանի կազմում:

ՔՊ-ն երկու անգամ մերժել է Ադրբեջանի գործողությունները դատապարտող նախագիծը։

Առաջարկում ենք նիստին հետևել ուղիղ հեռարձակմամբ։