30 01 2023

Արզաքանցյանը ոստիկանություն ահազանգ է տվել, որ իրենից պարտքեր են ուզել, ապա հնչեցրել սպանության սպառնալիքներ․ shamshyan.com

SHAMSHYAN.com-ի տեղեկություններով՝ Հայաստանի քննչական կոմիտեի Երևան քաղաքի քննչական վարչության «Զվարթնոց» օդանավակայանի քննչական բաժնում սպանության սպառնալիք հատկանիշներով նախաձեռենվել է քրեական վարույթ Ռուսաստանի Դաշնության քաղաքացի 57-ամյա Արտաշես Իկոնոմովի նկատմամբ։

Ինչպես հայտնում է ֆոտոլրագրող Գագիկ Շամշյանը, վերջինիս դեմ հունվարի 26-ին ահազանգ է հնչեցրել Գավառ քաղաքում հաշվառված, Երևանում բնակվող 57-ամյա Տիգրան Արզաքանցյանը, որ այդ օրը Փարիզ-Երևան 1060 չվերթով իր կնոջ` Նատալյա Արզաքանցյանի հետ ժամանել է Հայաստան ու օդանավի մեջ իրենց է մոտեցել իր ծանոթ Ա․ Իկոնոմովը և իրեն հարցրել է, թե երբ է պատրաստվում տարիներ շարունակ չվճարած պարտքերը վերադարձնել։

Տ․ Արզաքանցյանը մոտեցել է ՀՀ Ներքին գործերի նախարարության Ոստիկանության «Զվարթնոց» օդանավակայանի բաժին ու կատարվածի մասին իր բողոքը գրել է թղթին և հանձնել ոստիկաններին։

«Զվարթնոց» օդանավակայանի ոստիկանները արդեն օդանավակայանում մոտեցել են Ա․ Իկոնոմովին և նրան հրավիրել գծային բաժին, որտեղ մի քանի ժամ մնալուց հետո նրան տեղափոխել են «Զվարթնոց» օդանավակայանի քննչական բաժին։

Քննիչի որոշմամբ Ա․ Իկոնոմովը բաց է թողնվել։

Գ․ Շամշյանի տեղեկություններով՝ իրավապահների մոտ կան կասկածներ, որ Տ․ Արզաքանցյանը ոչ միայն գույներն է խտացնում, այլ նա իրոք խոշոր չափի գումար է պարտք Ա․ Իկոնոմովին և ոչ մի սպանության սպառնալիքներ էլ տեղի չեն ունեցել։

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Ոստիկանություն | ահազանգ

Դիտել նաև

Հասարակություն 04 11 2024

Ոստիկանության Երևան քաղաքի և մարզային վարչությունները լուծարվել են

ՆԳ նախարարության բարեփոխումների շրջանակում նոյեմբերի 1-ին ձևավորվել են չորս հենասյունային ուղղություններից ևս երկուսը՝ Քրեական ոստիկանությունն ու Համայնքային ոստիկանությունը

Քաղաքական 30 10 2024

Համացանցում ոստիկանության կեղծ վեբկայք է հայտնվել

ՆԳՆ-ն հորդորում է ոստիկանության անունից ցանկացած տեղեկատվության հետևել բացառապես պաշտոնական լրահոսի միջոցով

Քաղաքական 23 10 2024

Հայաստանը կունենա ոստիկանության գվարդիա

Առաջարկվում է ոստիկանական համակարգի համար ներդնել ուժային միջոցների գործադրման նոր ստանդարտ, թե ֆիզիկական ուժի, թե՝ զենքի

Հասարակություն 19 09 2024

Ոստիկանության անունից խաբեություն է իրականացվում

Սոցիալական ցանցերում Ոստիկանության անունից գովազդ է տարածվում, որով անհայտ անձինք գումար են պահանջում՝ իբր հանցագործությունն արագ բացահայտելու համար

Հասարակություն 12 09 2024

Մեքենա գնելու պատրվակով քաղաքացին դառնում էր խարդախության զոհ. ոստիկանություն

Այս պահին քննությանը հայտնի է խմբի կատարած նմանատիպ խարդախության չորս դրվագ

Հասարակություն 07 09 2024

Ուշադրություն․ փնտրվում է 41-ամյա տղամարդ․ ըստ տեղեկությունների՝ նա զինված է

Սպանություն և սպանության փորձ կատարելու կասկածանքով որոնվում է Արմավիրի մարզի Նալբանդյան գյուղի 41-ամյա բնակիչ Մանուկ Մարգարյանը