23 11 2022

Շիրակում կաշառք ստանալու մեղադրանքով ձերբակալված բարձրաստիճան պաշտոնյան նոր պաշտոն է ստացել. Yerkir.am

Հերթական անոմալ երևույթն է արձանագրվել իշխանության կողմից։ 2022 թ․ մարտին Գյումրիում ազգային անվտանգության աշխատակիցների կողմից կաշառք վերցնելու կասկածանքով ձերբակալվել է Շիրակի մարզի Զբաղվածության պետական գործակալության պետ Ամալյա Ադամյանը։ Ամալյա Ադամյանը ազատվեց զբաղեցրած պաշտոնից, բայց բավականին մեծ հնչեղություն ստացած ձերբակալությունը շատ արագ մոռացվեց` հավանաբար ապացույցներ չունենալու պատճառով, ինչպես հաճախակի է լինում այս իշխանությունների ժամանակ։

Ամիսներ անց Ամալյա Ադամյանը ընտրվում է Շիրակի տարածաշրջանային պետական քոլեջի տնօրեն։ Ամալյա Ադամյանի` Շիրակի տարածաշրջանային քոլեջի տնօրեն ընտրվելու հարցում, ըստ Yerkir.am-ի տեղեկությունների, իր կարևոր ներդրումն է ունեցել Շիրակի մարզպետ Նազելի Բաղդասարյանը։

Շիրակի տարածաշրջանային պետական քոլեջի կառավարման խորհրդի նախագահը, ի դեպ, մարզպետի խորհրդական Արթուր Նաջարյանն է։ Այս քոլեջում որպես փոխտնօրեն է սկսել աշխատել մարզպետի հարս, մոտ երկու ամիս առաջ մեծ հնչեղություն ստացած սկանդալի պատճառով Գյումրու համայնքապետարանից ազատման դիմում գրած Անի Քոչարյանը։

Հիշեցնենք, որ 2022 թ. սեպտեմբերի 14-ին, երբ Նիկոլ Փաշինյանը ԱԺ-ում հայտարարեց, որ պատրաստվում է նոր կապիտուլացիա ստորագրել, որին հաջորդեցին զանգվածային ցույցեր Երևանում, մարզերում և Արցախում, Նազելի Բաղդասարյանն ու Անի Քոչարյանը Ֆեյսբուքում կոչ էին արել բոլոր ցուցարարներին «առանց զենք քշել սահման և Ջերմուկ»:

Ըստ մեր աղբյուրների, հենց Քոչարյանն էլ քոլեջի «серый կարդինալն է»։

Ինչպես ասում էր Ամալյա Ադամյանը Նազելի Բաղդասարյանի նախընտրական քարոզչական հոլովակի մեջ «Նազելին իր ասելիքը կասի»։ Նազելին ասեց:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Շիրակ

Դիտել նաև

Հասարակություն 08 05 2024

Անտարբերությունը նույնպես հանցագործություն է․ գյումրեցին կոչ է անում միանալ Շարժմանը

Խաղաղությունը չեն մուրում, խաղաղությունը պետք է վաստակել․ «Շիրակը հանուն հայրենիքի» երթի մասնակից

Հասարակություն 22 04 2024

«Խնդիրը միայն Տավուշի մարզին չի վերաբերում»․ Շիրակցիներն էլ փակել են Բավրայի ճանապարհը

Մոտ մեկ ժամ է, ինչ փակ է ճանապարհը: Շիրակի մարզի բնակիչներն աջակցություն են հայտնում Տավուշում պայքարողներին

Մամուլի տեսություն 22 03 2024

Հաջորդ կանգառը՝ Շիրակ. մարզպետը կհեռանա՞ պաշտոնից. «Հրապարակ»

Տեղեկություններ կան, որ Փաշինյանի այցից հետո մարզպետը կհեռանա պաշտոնից, եւ Շիրակի ղեկավարումը կհանձնվի վարչապետի կնոջ` Աննա Հակոբյանի 28-ամյա ազգական Վահագն Մկրտչյանին

Հասարակություն 21 03 2022

Շիրակի մարզի որոշ հատվածներում ձյան բարձրությունը հասնում է 3-5 մետրի

Վարորդներին հորդորում են երթևեկել միայն խիստ անհրաժեշտության դեպքում

Իրավական 06 12 2021

12 հանցավոր ընտրախախտում՝ Շիրակի մարզի ՏԻՄ ընտրություններում. Դատախազություն

Քվեարկության արդյունքները կեղծելու փորձ, ընտրակաշառք․ Շիրակի ՏԻՄ ընտրությունների ահազանգերը

Հասարակություն 03 09 2021

Շիրակի մարզում գրանցվել է երկրաշարժ

Էպիկենտրոնային գոտում ստորգետնյա ցնցման ուժգնությունը կազմել է 4-5 բալ