Թող ինձ ապացուցեն ո՞նց է արևմուտքից այդ զենքը գալու, էներգակիրներն ինչպե՞ս ենք ստանալու, հակառակ դեպքում՝ հեքիաթներ են․ քաղտեխնոլոգ

«Մենք կարողացանք մեկ  օրվա մեջ բոլոր աշխարհաքաղաքական կենտրոնների հետ  ունենալ սկանդալ ՝ այս կամ այն կերպ,  մնում էր Չինաստանը»,-նշեց քաղտեխնոլոգ Կարեն Քոչարյանը՝ հրավիրվածա սուլիսի ժամանակ։   

«Եթե փորձենք գետնի վրա իջնել ,  ապա գետնի վրա, Նենսի Փելոսիի գնալուց հետո, Հայաստանի շուրջը  մնալու է 4 բանակ՝ թուրքական, ռուսական, ադբեջանական և պարսկական և ասել, որ հենց հիմա ինչ-որ մեկը կօգնի կասկածելի է․  ես դեմ չեմ բոլորի հետ լավ լինել , առավել ևս՝  արևմտյան երկրների հետ, բայց թղթի վրա թող ինձ ցույց տան,  ապացուցեն ո՞նց է այդ զենքը գալու , ո՞վ է գալու  և մի քանի այլ հարցեր․  օրինակ՝   եթե ՀԱՊԿ-ն դուրս եկավ , Ռուսաստանը դուրս եկավ գազը դառնումէ  հաջորդ օրը 3000 դոլար, ինչպես Եվրոպայում է , ի՞նչ ենք անելու,  ատոմակայանի ուրանը ստանում ենք Ռուսաստանից , ինչպե՞ս ենք դա անելու,  ցորենը շաքարը,սննդամթերքը նույնպես ստանում ենք Ռուսաստանից , ինչպե՞ս է այդ հարցը լուծվելու։  Մեր արտադրանքի շուկայի 90 տոկոսը Ռուսաստանի շուկան է , եթե փակում ենք ի՞նչ ենք անում , այս հարցերին եթե լինի հստակ պատասխան՝ սառը , ապացուցված, որ սա փոխարինվում է նրանով , մեր շուկան կդառնա, օրինակ, Թուրքիան, Իրանը կամ Իրաքը, մենք կկարողանանք ներկրել էնէրգակիրներ այստեղից և այնտեղից, մեզ զենք են մատակարարելու այսինչ երկրները այդ դեպքում մենք կարող ենք նստել ու զրուցել, թե՝ ինչպե՞ս ենք փոխարինում այս հատվածը այն հավածով, հակառակ դեպքում դա հեքիաթների թեմաներից է»,-ասում է քաղտեխնոլոգը։