06 09 2022

Երևանի կենտրոնում երկու քաղաքացի ծառ է հատել



Սեպտեմբերի 5-ին սոցցանցում և լրատվական կայքերում տեսանյութ է տարածվել, որտեղ երևացող անձինք մայրաքաղաքում ծառ էին կտրում։

Ոստիկանության փոխանցմամբ՝ ժամը 22.25-ին այս դեպքով ոստիկանությունում ահազանգ է ստացվել։

«Հայտնում էին, որ մայրաքաղաքի Պուշկին-Եկմալյան փողոցների խաչմերուկում կենսունակ ծառ են ապօրինի հատել և «Օպել» մեքենայով տեղափոխել։ Ոստիկանության Կենտրոնական բաժնի ծառայողների միջոցառումներով պարզվել է, որ ծառը հատել են Երևանի բնակիչ, 30 և 45 տարեկան երկու տղամարդիկ։

Սեպտեմբերի 6-ին մայրաքաղաքի Արամի փողոցում ոստիկանները ապօրինի ծառահատում կատարելու կասկածանքով ձերբակալել են 45-ամյա տղամարդուն և տեղափոխել ոստիկանության Կենտրոնական բաժին, իսկ 30-ամյա տղամարդն ինքնակամ ներակայացել է ոստիկանություն։

Նրանք ներկայացվել են քննչական ստորաբաժանում։

Կատարվում է նախաքննություն»,- նշված է հաղորդագրությունում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ