12 06 2022

Ծիծեռնակաբերդի բարձունքում 250 ծառ կտնկվի

Ծիծեռնակաբերդի բարձունքում 250 ծառ կտնկվի

Ծիծեռնակաբերդի բարձունքի՝ համայնքին պատկանող տարածքում մեկնարկել է կանաչապատման երրորդ փուլը: Ծառատունկի շրջանակում կտնկվի շուրջ 250 ծառ։ Այս մասին տեղեկացնում է Երևանի քաղաքապետարանի լրատվության վարչությունը:

«Ծառերը տեղադրել ենք փակ արմատային համակարգով, բայց ամառվա շոգին նույնիսկ այդ դեպքում հնարավոր է` կորուստներ լինեն։ Չնայած դրան, այսօր ես մոնիտորինգ եմ արել և կարող եմ ասել, որ շուրջ 85-90 տոկոս կպչողականություն ենք ապահովել»,-ասել է «Կանաչապատում և շրջակա միջավայրի պահպանություն» ՀՈԱԿ-ի գլխավոր դենդրոլոգ Արծվի Գրիգորյանը:

Անտառային գոտին կարգի բերելու գործում 160 աշխատակից է ներգրավված: Տարածքից տեղափոխվել է ավելի քան 400 մեքենա աղբ:

Հաջորդ ծառատունկն աշնանը կլինի։

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ