23 05 2022

Եկել է երդմանը տեր լինելու պահը․ Հայրենիքը վտանգված է և՛ արտաքին, և՛ ներքին թշնամուց․ հայտարարություն

Եկել է երդմանը տեր լինելու պահը․ Հայրենիքը վտանգված է և՛ արտաքին, և՛ ներքին թշնամուց․ հայտարարություն

Սիրելի՛ հայրենակիցներ,

Մեր անգործությամբ և թողտվությամբ դանակը հասավ ոսկորին։
Հայաստանը՝ իբրև պետություն արդեն ջնջվում է աշխարհի քաղաքական քարտեզից։
Դրա աներկբայելի վկայությունն է Բրյուսելից Շառլ Միշելի արած հայտարարությունը։

Արցախը վերածվեց «Ղարաբաղի էթնիկ հայ բնակչության», ինչպես Շուշին՝ մատուցարանի վրա, Բերձորը նույնպես հանձնվում է թշնամուն։

Մեր «կիրթ և կառուցողական» թշնամին, դրսևորելով «բարի կամք», կառուցում է Արցախը Հայաստանին «կապող» այլընտրանքային ճանապարհ, որով, ըստ էության, առանց մի կրակոցի Արցախից և Հայաստանից նվաճում է հերթական տարածքները։

Շառլ Միշելի հայտարարությունը փաստում է նաև, որ Արցախն իբրև քաղաքական միավոր չի դիտարկվում և ըստ ադրբեջանի վարչատարածքային բաժանման՝ սոսկ ադրբեջանի շրջան է՝ հնարավոր բոլոր վատթարագույն հետևանքներով։
Եվ սա դեռ ամբողջական աղետը չէ։

Ըստ նույն անձի հայտարարության՝ երկու երկրների «առաջնորդները» համաձայնել են, որ անհրաժեշտ է ապաշրջափակել տրանսպորտային ենթակառուցվածքները, ինչպես նաև համաձայնեցրել են սկզբունքներ, ըստ որոնց՝ կանոնակարգվելու է հաղորդակցությունը «արևմտյան ադրբեջանից» դեպի Նախիջևան, ապա Ադրբեջանի տարածքով՝ Հայաստանի տարբեր հատվածներ։

Միայն կույր ողորմելին չի հասկանա կամ չհասկանալու կտա, որ սա նշանակում է անկլավ համարվող ութ գյուղերի /Արարատի, Տավուշի մարզերի/ նվիրաբերում մեր դարավոր թշնամուն, որով երկիրը ընկնում է կատարյալ շրջափակման մեջ և դրվում է Հայաստանի վերջի հիմնաքարը։
Ո՞վ է «թիվ մեկ» պատասխանատուն, որը «մեղավոր չէ»։

Այդ մասին առանց դիվանագիտական ձևականության, բառացի հայտարարեց ՌԴ նախագահ Վ․ Պուտինը, որ բոլոր պայմանավորվածությունները ձեռք են բերվել փաշինյանի ու ալիևի միջև։
Հայրենակիցնե՛ր, ազգի և պետականության գոյությունը վեր է ամեն ինչից։
Բա՛րձր կանգնիր առօրեականությունից և անձնական շահերից։
Հայ ժողովրդի բնակչության բացարձակ մեծամասնությունը ծառայել է բանակում և երդվել պաշտպանել Հայրենիքը՝ չխնայելով կյանքն ու առողջությունը։

Եկել է երդմանը տեր լինելու պահը․ Հայրենիքը վտանգված է և՛ արտաքին, և՛ ներքին թշնամուց։
Միասնաբար, առանց փոխադարձ որակումների միավորվենք և դու՛րս քշենք ներքին թշնամուն՝ արտաքին թշնամու դեմ լիարժեք պայքարել կարողանալու համար։

Ա՛յս է պահի հրամայականը։

«Պահեստազորի սպաների» շարժում
«Ձայն հայրենեաց» Հայ մտավորականների նախաձեռնություն
«Ազգային Գվարդիա»
«Հայրենիքի Վահան» պահեստազորի սպաներ
«Ղարաբաղի պատերազմի վետերանների» միություն
«Իրավունքի և արժեքների գերակայություն» իրավապաշտպան Հ/Կ
«Վերադարձ» հիմնադրամ

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ