Ուկրաինացի ռազմագերիները պահվում են պատշաճ պայմաններում, այնինչ Ուկրաինան խախտում է մարդասիրական նորմերը․ ՌԴ ՊՆ

Գերի ընկած ուկրաինացի զինծառայողները պահվում են պատշաճ պայմաններում՝ լիովին համապատասխան միջազգային մարդասիրական իրավունքի նորմերին, իսկ Ուկրաինան խախտում է մարդասիրական նորմերը, հայտարարել է ՌԴ պաշտպանության կառավարման ազգային կենտրոնի ղեկավար Միխայիլ Միզինցևը։

Նա հավելել է, որ ուկրաինացի ռազմագերիներին անհրաժեշտ բժշկական օգնություն է ցուցաբերվում, հարազատների հետ կապ հաստատելու հնարավորություն է տրվում։

«Այս հարցով ԿԽՄԿ-ի հետ համագործակցություն կա»,- ասել է Միզինցևը։

Նրա խոսքով՝ Ուկրաինայի իշխանությունները կոպտորեն խախտում են մարդասիրական տարրական նորմերը։

«Էլ չենք խոսում ռազմագերիների նկատմամբ վերաբերմունքի վերաբերյալ Ժնևյան կոնվենցիայի պահանջները չկատարելու մասին։ Չնայած դրան, ռուսական կողմը կշարունակի մարդասիրական նորմերի համաձայն և հարգանքով վերաբերվել ուկրաինացի ռազմագերիներին»,- ասել է նա։