21 01 2021

Արցախում աջակցության ծրագրի 2-րդ փուլը դեռևս չի մեկնարկել․ պարզաբանում

Արցախում աջակցության ծրագրի 2-րդ փուլը դեռևս չի մեկնարկել․ պարզաբանում

ԱՀ աշխատանքի, սոցիալական և միգրացիայի հարցերի նախարարությունից պարզաբանում են, որ 68 000-ական դրամի չափով աջակցության ծրագիրը դեռևս չի մեկնարկել

«Հաշվի առնելով ձեր կողմից հնչող հարցադրումներն ու քաղաքացիների նոր հոսքը նախարարություն՝  68 000-ական դրամի չափով աջակցության ծրագրի երկրորդ փուլում ընդգրկվելու նպատակով, անհրաժեշտ ենք համարում պարզաբանել, որ տվյալ ծրագիրը դեռևս չի մեկնարկել։

Ներկայումս աշխատանքներ են տարվում՝ բավարարելու աջակցության ծրագրի առաջին փուլում շահառու հանդիսացող, բայց տեխնիկական խնդիրների պատճառով գումարը չստացած քաղաքացիների դիմումները։

Աջակցության ծրագրի երկրորդ փուլի իրականացման վերաբերյալ որոշումն ընդունվելուն պես հանրությանը կիրազեկվի։

Թյուրընբռնումից խուսափելու համար հորդորում ենք սոցիալական ոլորտի ծրագրերի մանրամասներին տեղեկանալ համապատասխան կառույցների կողմից տրվող պաշտոնական հաղորդագրությունների միջոցով»,-ասվում է պարզաբանման մեջ։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ