09 10 2021

Նույնիսկ առանձին միջադեպերի համար այս իշխանությունը աշխատող հակազդեցության մեխանիզմ չունի. Տիգրան Աբրահամյան

Նույնիսկ առանձին միջադեպերի համար այս իշխանությունը աշխատող հակազդեցության մեխանիզմ չունի. Տիգրան Աբրահամյան

Նույնիսկ առանձին միջադեպերի կամ լոկալ գործողությունների համար այս իշխանությունը աշխատող հակազդեցության մեխանիզմ չունի։  Այս մասին իր ֆեյսբուքյան էջում գրել է ԱԺ «Պատիվ ունեմ» խմբակցության պատգամավոր  Տիգրան Աբրահամյանը:

«Վերջին մեկ շաբաթվա ընթացքում Երասխի ուղղությամբ տեղի է ունեցել 2 ադրբեջանական սադրանք՝ թիկունքի մեքենայի խոցում և զինծառայողի վիրավորում։

Մարտակերտի ուղղությամբ այսօր արձանագրվել է գյուղատնտեսական աշխատանքներ իրականացվող քաղաքացիական անձի մահվան ելքով միջադեպ. ադրբեջանցի դիպուկահարները նպատակային կրակ են բացել խաղաղ բնակիչների ուղղությամբ։

Որքան հասկանում եմ, այս ընթացքում տարբեր բնույթի այլ սադրանքներ ևս եղել են, սակայն սա մահվան ելքով առաջին պատահարն էր։

Ու սա այն պարագայում, որ Արցախի Հանրապետության սահմանային հատվածներում գյուղատնտեսական աշխատանքներն իրականացվում են ռուս խաղաղապահների աջակցությամբ։

Այս վերջին հանգամանքն ավտոմատ կերպով այլ երանգավորում է հաղորդում տեղի ունեցած միջադեպին։

Նույնիսկ առանձին միջադեպերի կամ լոկալ գործողությունների համար այս իշխանությունը աշխատող հակազդեցության մեխանիզմ չունի։

Միայն ՌԴ գործոնն է, որը տարբեր իրադրության դեպքում զսպում կամ կանխարգելում է իրավիճակի հետագա լարումը, իսկ հայաստանյան իշխանությունների գործոնն այսպիսի գործընթացներում զրոյական է»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ