ԱԱԾ հայտարարությունը չի բխում մեր անվտագության շահերից, այն անատամ է և ոչինչ չասող. Արծվիկ Մինասյան

«ԱԱԾ հայտարարությունը չի բխում մեր անվտագության շահերից, այն անատամ է և ոչինչ չասող», – այս մասին նշեց  «Հայաստան» խմբակցության  քարտուղար Արծվիկ Մինասյանը՝ ԱԺ նիստում վարման կարգով ունեցած իր խոսքւոմ:

Պատգամավորն, ի դեպ, «Հայաստան» խմբակցության  անունից առաջարկեց գտնել ձևաչափ, որպեսզի կայանա հանդիպում  ոչ միայն ԱԱԾ տնօրենի,  այլև՝  ՊՆ-ի, դատախազության և ԱԳՆ-ի ներկայացուցիչների հետ,  քանի որ, ըստ նրա,  առերևույթ հանցագործություն է կատարվել ադրբեջանցիների կողմից,  և, ըստ լուրերի, ադրբեջանցիները գանձումներ են անում վարորդներից:

«Հասարակությունը պետք է հասկանա, թե ինչ է կատարվում՝ հատկապես, որ ԱԱԾ հայտարարությունում ամբողջությամբ օգտագործվում է ադրբեջանական տերմինաբանություն»,- ասաց «Հայաստան» խմբակցության  քարտուղարը:

Ալեն Սիմոնյանն ընդունեց առաջարկը և նշեց, որ կքննարկեն ու կփորձեն գտնել հանդիպման համապատասխան ձևաչափ:

Մանրամասները՝ տեսանյութում: