Տիկին Նազարյան, պահանջում եմ ներողություն խնդրեք ձեր լկտի վարքագծի համար. Թագուհի Թովմասյան

Քիչ առաջ իմ ելույթի ժամանակ խոսում էի Հայաստանում պղծված դիակների մասին: Որպես արձագանք նախագահողը իրեն թույլ է  տալիս  վիրավորական արտահայտություն իմ հասցեին։ ԱԺ արտահերթ նիստի ժամանակ կրկին ամբիոնին մոտենալով՝ ասաց պատգամավոր Թագուհի Թովմասյանը:

Նա ավելի վաղ ելույթ էր ունեցել, որին ԱԺ փոխնախագահ Լենա Նազարյանն արձագանքել էր՝ «Իդիոտկա»:

«Տիկին Նազարյան, ամբիոնից պահանջում են ներողություն խնդրեք ձեր լկտի վարքագծի համար, այլապես շատ ավելի կոշտ եմ գտնվելու: Դուք իրավունք չունեք որևէ գնահատական տալ իմ ելույթից հետո: Լրատվամիջոցները ողողված են ձեր խոսքով, հերքելու կարիք չկա,  բարձրախոսը միացված էր և դուք պարզ իմ հասցեին վիրավորական արտահատություն եք անում: Փոխանակ ներողություն խնդրեք, որ ձեր իշխանությունը դիակները պղծել է, լցրել եք կարտոֆիլի  տոպրակների մեջ, դուք քննադատությանը պատասխանում եք վիրավորանքո՞վ: Ամաչեք ուղղակի դրա փոխարեն, այս ի՞նչ վարքագիծ է ընդհանրապես, ի՞նչ եք ուզում ապացուցել»,- ասաց Թովմասյանը:

Մանրամասն՝ տեսանյութում։