Ես նախագահի հետ անձնական հանդիպման նպատակ չեմ ունեցել, իմ բոլոր խնդիրները հանրային բնույթի են. Էդգար Ղազարյան

«Կառվարության բակում տեղի ունեցած մեր չկայացած հանդիպումից հետո ես գրավոր նաև դիմել էի նախագահի աշխատակազմին, որտեղից զանգել և ասել են, որ մինչև շաբաթվա վերջ նախագահը պատրաստականություն է հայտնել ընդունել: 

Ես պատրաստական սպասում էի, բայց ցոք սրտի, երեկ երեկոյան ինձ տեղեկացրին, որ նախագահը չի հրաժարվում ձեզ ընդունել ինչ-որ մի օր, բայց հիմա նա չի կարող:

Ես հանդիպման խնդրանքս հանել եմ, որվհետև ես նախագահի հետ անձնական հանդիպման նպատակ չեմ ունեցել, իմ բոլոր խնդիրները հանրային բնույթի են, բխում են հասարակության շահերից և ժամկետային առումով ակտուալություն ունեն մինչև մայիսի 10-ը»,- ՀՀ նախագահի նստավայրի մոտ լրագրողների հետ ճեպազրույցում ասաց ՍԴ աշխատակազմի նախկին ղեկավար Էդգար Ղազարյանը:

Չնայած նախագահի հետ հանդիպում այդպես էլ չի կայացել, բայց Էդգար Ղազարյանը հնչեցրեց այն բոլոր մտահոգությունները, որոնք կապված են ներկա իշխանության կողմից թույլատրված սահմանադրական խախտումների հետ: