Բադասյանը պնդում է՝ զինված ուժերի ԳՇ պետի նշանակման հարցում իրավական որևէ կազուս չկա

Իրավական որևէ կազուս չկա՝ Օնիկ Գասպարյանն ազատված է պաշտոնից, Արտակ Դավթյանը նշանակված է համապատասխան պաշտոնում, լրագրողների հետ զրույցում արձանագրեց ՀՀ արդարադատության նախարար Ռուստամ Բադասյանը:

Բադասյանը նկատեց, որ վարչապետի հայտարարությունն ընդամենը արձանագրում է՝ վարչապետը որևէ լրացուցիչ գործողություն չի անում: Նա մեջբերեց, որ եթե նախագահը չի դիմում Սահմանադրական դատարան կամ առարկությունը չընդունվելուց հետո համապատասխան հրամաանգիրը չի ստորագրում, ապա հրամանագիրն իրավունքի ուժով մտնում է ուժի մեջ:

Հարցին, թե այդ դեպքում ի՞նչ նշանակություն ունի Վարչական դատարանի որոշումը, նախարարն ասաց.

«Այդ ակտը, մեր հստակ դիրքորոշմամբ, կոնկրետ նշված գործընթացի վրա ազդեցություն չունի: Ի՞նչ կլինի հետագայում՝ կտեսնենք դատավարության ընթացքում»:

Մանրամասն՝ տեսանյութում։