Ադրբեջանը այսօր պատրաստվում է այն պատերազմին որին մասնակցելու են մեր երեխաները և թոռները․ նախկին նախարար

Դուք կարող եք չսիրել, Նիկոլ Փաշինյանին, Սերժ Սարգսյանի, Ռոբերտ Քոչարյանին թվարկեք ցանկացած քաղաքական գործչի, բայց չտեսնել, թե ինչ է տեղի ունենում, դա հանցագործություն է ապագա սերունդների համար։ Դուք չեք կարող նրանց չսիրել։  Կառավարության մոտ լրագրողների հետ զրույցում ասաց Արդարադատության նախկին նախարար Դավիթ Հարությունյանը։

«Ադրբեջանը այսօր պատրաստվում է այն պատերազմին որին մասնակցելու են մեր երեխաները և թոռները և դա չնկատել անթույլատրելի է և հենց այսօր քննարկվում է մեր երեխաների և թոռների ապագայի հարցը։ Թողնելով նրանց սահմաններ, որոնք խոցելի են, որոնց ողջ երկայնքով տեղակայված են լինելու ադրբեջանական և թուրքական ռազմական ուժեր, խոշոր ռազմաբազաներ ես կարծում եմ յուրաքանչյուրն իրեն պետք է հարց տա»,- ասաց նա։

Ինչ վերաբերում է նախկին իշխանությունների հանդեպ հանրության վերաբերմունքին, Հարությունյանն ասում է՝ չկա իշխանություն, որը սխալներ թույլ չի տվել,  և Հանրապետականը բացառություն չէ․

«Հանրապետականը, բնականաբար, ունեցել է իր սխալները, բայց այս իշխանությունը գտել է մի նուրբ հոգեբանական հնարք՝ սերմանել ատելություն, ինչը շատ հայտնի է պատմությունից ի վեր՝ բաժանիր, որ տիրես»։

Մանրամասն՝ տեսանյութում։