28 09 2020

Հակառակորդը կիրառել է «ՏՕՍ» ծանր հրետանային համակարգեր, սակայն անարդյունավետ․ Արցախի ՊՆ

Հակառակորդը կիրառել է «ՏՕՍ» ծանր հրետանային համակարգեր, սակայն անարդյունավետ․ Արցախի ՊՆ

Սեպտեմբերի 28-ին արցախյան ռազմաճակատի հարավային և հարավ-արևելյան ուղղություններում հակառակորդը կիրառել է «ՏՕՍ»ծանր հրետանային համակարգեր: Զինատեսակի կիրառումը եղել է անարդյունավետ: Այս մասին տեղեկացնում է Արցախի ՊՆ-ն։

Հակառակորդի տարածած բոլոր տեղեկությունները հայկական կողմի կորուստների մասին իրականությանը չեն համապատասխանում:

Արցախի Հանրապետության պաշտպանության նախարարությունը հորդորում է հետևել բացառապես պաշտոնական լրահոսին:

Հիշեցնենք, որ երեկ Ադրբեջանի զինուժը լայնածավալ հարձակում է սկսել Արցախում՝ թիրախավորելով նաև խաղաղ բնակչությանը։ Արցախի զինուժը խոցել է հակառակորդի 5 ուղղաթիռ, 27 անօդաչու թռչող սարք, 33 տանկ և հետևակի մարտական մեքենա, 1 ինժեներական զրահատեխնիկա: Հակառակորդն ունի առնվազն 27 զոհ, նաև մոտ 200 վիրավոր։ Հայկական կողմից կա 31 զոհ և մոտ հարյուր վիրավոր։ Հայաստանում և Արցախում սեպտեմբերի 27-ին հայտարարվել է ռազմական դրություն։

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ