Տղերք, ու՞ր են Օպերայի սաղարթախիտ անտառները, պրծա՞վ շոուն․ Թեհմինա Վարդանյան

Միակ ժառանգությունը, որ երկու տարվա արդյունքում նա մեզ թողեց՝ «տղերք» դիմելաձևն է։ Չեմ ասելու, որ խոստացված ճոպանուղին չկա, չեմ ասելու, որ մետրոյի կայարանները չկան, չեմ ասելու, որ քաղաքում երկու տարվա մեջ սնկի պես աճել են փնթի կրպակներն ու մեծ բակերում խցկված բարձրահարկ շինությունները։ Այս մասին իր ֆեյսբուքյան էջում գրել է Երեւանի ավագանու «Լույս» խմբակցության անդամ Թեհմինա Վարդանյանը:

«Տղերք, բա ու՞ր եք․․․

Երևանի գլխավոր ճարտարապետ Արթուր Մեսչյանն էլ գնաց։ Միակ ժառանգությունը, որ երկու տարվա արդյունքում նա մեզ թողեց՝ «տղերք» դիմելաձևն է։ Չեմ ասելու, որ խոստացված ճոպանուղին չկա, չեմ աելու, որ մետրոյի կայարանները չկան, չեմ ասելու, որ քաղաքում երկու տարվա մեջ սնկի պես աճել են փնթի կրպակներն ու մեծ բակերում խցկված բարձրահարկ շինությունները։ Էդ ամենի և էլի շատ բաների մասին մենք բազմիցս խոսել ենք։

Բայց, տղերք, ու՞ր են Օպերայի սաղարթախիտ անտառները։ Ու՞ր է ձեր քանդելու մոլուցքը կորել։ Տղե՞րք, պրծա՞վ շոուն կամ, ձեր լեզվով ասած, սիթքոմը։ Տղերք, էլ չե՞ք ուզում հպարտ երևանցին օդ շնչի։ Տղերք, չե՞ք քանդելու մնացած սրճարանները․․․

Տղեեե՜րք, այ տղե՜րք, ոչ բժշկական դիմակները պատռվել են, դեմքներդ արդեն երևում են։

Է՜հհհ, տղե՜րք, տղե՜րք․․․

Հ․Գ․ Տեսնես Հայկո ջանը արձակուրդից հետ կգա, թե՞ կունենա արժանապատվության մնացուկ։ Չնայած, հալալ լինի էդ արձակուրդը, էս տարի տքնել ա։ Բոլորս ենք դա տեսել ու հպարտացել։ Մնա´, մնա´ հանգստացի»,- գրել է նա: