05 07 2020

Կեղծիքների տոնը․ Ավետիք Իշխանյան

Իրավապաշտպան Ավետիք Իշխանյանը գրում է․

«Ժամացույցի սլաքը խփեց ժ․24-ը, կամ թևակոխեց հուլիսի 5-ը՝ 1995 թ․ ՀՀ Սահմանադրության «ընդունման» , ի դեպ՝ տոն օրը։ Հետաքրքիր է, կա՞ արդյոք, այլ պետություն, որ կեղծիքների հիմնադրման օրը հռչակի համազգային տոն։ Գուցե, չեմ վիճում։ Ուղղակի կուզենայի հիշեցնել այդ օրվա խորհուրդը։ Անկախանալուց հետո, 1995թ․ խորհրդարանական ընտրություններն ու զուգահեռ անցկացվող սահմանադրական հանրաքվեն, իրականում անկախ Հայաստանի առաջին ժողովրդավարական քննությունն էր։Սահմանադրության նախագիծը, որը դարձավ սահմանադրություն, իր էությամբ միապետական համակարգ էր նախատեսում, բացառելով ժողովրդավարության, իրավական պետության հիմնական՝ իշխանութ յունների տարանջատման սկզբունքը։ Առանց մանրամասների մեջ մտնելու, հիշեցնեմ, որ նախագահը ոչ միայն նշանակում էր վարչապետին, նախարարներին,այլև Երևանի քաղաքապետին, Արդարադատության խորհուրդը նույնպես գլխավորում էր նախագահը և նշանակում դատավորներին։ Նախագահը , վեց ամիս ընտրվելուց, կամ վեց ամիս ավարտից առաջ կարող էր ցրել ԱԺ-ն։

Ընտրություններից մի քանի ամիս առաջ, ՆԳՆ նախարար Վանո Սիրադեղյանի քմահաճույքով ստեղծվեց «Շամիրամ» կուսակցությունը։
Թե ինչպես անցան «ընտրություններ» և «հանրաքվե» միջոցառումը, մի ամբողջ պատմություն կարելի է գրել՝ երկու ժամով ընտրությունների ժամանակի ավելացում,մաուզերիստների, ներեցեք, երկրապահների կողմից ծեծ ո ւ ջարդ, լցոնումներ, ահաբեկումներ, արձանագրությունների կեղծում և այլն և այլն։
Արդյունքում, իշխող ուժի «հաղթանակ», երկրորդ պատվավոր տեղը «Շամիրամ» և այլն։Եվ այդ օրվանից, «ազատ, անկախ,ժողովրդավարական» Հայաստանում դրվեց ավանդույթ․ ընտրություններով հնարավոր չէ, իրականացնել իշխանափոխություն։ Եվ այս ամենը գլխավորում և խրախուսում էր Լևոն Տեր-Պետրոսյանը, իրականացնում ՝ Վանո Սիրադեղյանը, Վազգեն Սարգսյանը, Գագիկ Ջհանգիրյանը և Էդուարդ Եգորյանը։ Թյու՛, մոռացել էի, բոլոր անօրինականությունները, կեղծիքները սկսվել են հեղափոխությունից 20 տարի առաջ՝ 1998թ․»։

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Ավետիք Իշխանյան | Սահմանադրության օր | իրավապաշտպան | ընտրակեղծարարություն | ՀՀ 1ին նախագահ

Դիտել նաև

Քաղաքական 19 11 2024

Ոչ ոք չի մոռացվում. Ավետիք Իշխանյան

Ձեր անունները գրվելու են Հենրիխ Յագոդայի, Նիկոլայ Եժովի, Խաչիկ Մուղդուսիի կողքին, որպես հանցավոր հրամանների կատարողներ. իրավապաշտպան

Քաղաքական 25 10 2024

Երջանիկ դեմքով նստած էր Ադրբեջանի նախագահի կողքին և առիթ էր փնտրում նրան քծնելու համար․ Ի՞նչ ասես․ Իշխանյան

Այսպիսի դավաճան, մարդկային և ազգային արժանապատվությունից բացարձակապես զուրկ պետության ղեկավար աշխարհը չի տեսել․ իրավապաշտպան

Քաղաքական 09 10 2024

Մեր վարչապետն էլ իր հերթին հանդիսանում է Թուրքիայի նախագահի կվադրոբերները․ Ավետիք Իշխանյան

Ձեր առջև այժմ նստած են իրական կվադրոբերներ. իրավապաշտպանը՝ Լավրովին

Քաղաքական 23 08 2024

Ցանկացած այլ երկրում, նման արարածը չէր համարձակվի զբաղվել քաղաքական գործունեությամբ․ Իշխանյան

Իսկ Հայաստանում, նրան որպես հերոս դիմավորում են բանտի դռների մոտ, ներառում նախընտրական ցուցակում, դարձնում պատգամավոր․ Ցավոք, այսպիսին է մեր արժեհամակարգը, այն է՝ դրա բացակայությունը․ իրավապաշտպան

Քաղաքական 05 08 2024

Երջանիկ ապուշնե՞ր, թե՞ դավաճաններ. Ավետիք Իշխանյան

Գործակալ պաշտոնյաները երջանիկ ժպիտները դեմքերին վայելում են կյանքը. ու՞մ հաշվին՝ Արցախի ու Հայաստանի տարածքների. իրավապաշտպան

Հասարակություն 05 07 2024

Այսօր Սահմանադրության օրն է

Մայր օրենքն արդեն 29 տարեկան է