14 06 2020

Սա բռնապետություն է, ԲՀԿ դեմ ռեսպրեսիաներ են իրականացվում․ պատգամավորներ



Ազգային անվտանգության ծառայությունը խուզարկություն է իրականացնում «Բարգավաճ Հայաստան» կուսակցության նախագահ Գագիկ Ծառուկյանի առանձնատանը։

«2017 թ-ի խորհրդարանական ընտրությունների ժամանակ ունեցել ենք մեծամասնականով թեկնածու, այդ թեկնածուի հետ է կապված, ինչ որ ենթադրյալ ֆինանսական խնդիրներ, չկարողացան էլ իրավապահները բացատրել։ Այդ ամենը դեժավյուի տպավորություն է թողնում։ Բազմաթիվ համախոհների, կուսակիցների բնակարաններում այժմ գտնվում են ԱԱԾ աշխատակցներ։ Այս իշխանությունը չի հանդուրժում այլակարծություն», - ասաց ԲՀԿ պատգամավոր Նաիրա Զոհրաբյանը։ 

Նրա խոսքով, ԱԱԾ գործողությունը՝ ԲՀԿ հնչեցված մտահոգությունների, հարցադրումների հետևանք է։

«Սա ոստիկանական ռեպրեսիաներ են։ Տեղեկացված են բոլոր միջազգային կառույցները, դեսպանատները», - նշեց նա։

Իր հերթին ԲՀԿ պատգամավոր Գևորգ Պետրոսյանն ասաց, որ «սա բռնապետություն է, կոչ ենք անում միջազգային կառույցներին ուշադիր հետևել ։ Սա բացահայտ քաղաքական հետապնդում է»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ