Քաղավիացիայի ողբերգական տապալումը որպես կառավարման մանրակերտ․ Լիլիթ Գալստյան

ՀՅԴ ԳՄ  անդամ Լիլիթ Գալստյանը ֆեյսբուքյան էջում գրել է․

«ՔԱՂԱՎԻԱՑԻԱՅԻ ՈՂԲԵՐԳԱԿԱՆ ՏԱՊԱԼՈՒՄԸ ՈՐՊԵՍ ՄԱՆՐԱԿԵՐՏ...
Ցավոք, քաղավիացիայի տապալումը, ինչի մասին համառորեն լուրեր էին պտտվում և ինչի մասին մեկ ամիս առաջ բարձրաձայնել էի, հաստատվեց: Եվրահանձնաժողովն այսօր պաշտոնապես հայտարարեց, որ անվտանգության նկատառումներից ելնելով Հայաստանում գրանցված ավիանկերություններին կարգելվի թռչել Եվրոպական օդային տարածքով:

Սա աննկարագրելի ցավալի է, երկրի հեղինակության համար աղետալի ու անարժանապատիվ:
Այնուամենայնիվ, առողջ, մտածված և հավասարակշռված քաղաքականության արդյունքում, ժամանակի ընթացքում, կարելի է վիճակը շտկել և դուրս գալ ամոթալի երկրների սև ու անպատվաբեր ցուցակից:

Բայց ինչպե՞ս և ի՞նչ ուժերով դուրս գալ այս իրավիճակից, քաղաքական ի՞նչ թիմով:

Այն թիմո՞վ, որ տառապում է ամբարտավան մեծամտությամբ և ընդամենը մեկ ամիս առաջ անամոթաբար աջ ու ձախ հերքու՞մ էր փաստերը, շատ լավ իմանալով ավիացիայի ողբերգական կացության մասին, ցինիկ երեսպաշտությամբ մեղադրում էր քննադատողներին, անգամ դավաճանության մեջ մեղադրում: Այս վարքագծով դուք վերաբերում ցանկացած հարցի...սա է ցավալին...այս ողբերգական տապալումը ձեր կառավարման մանրակերտն է...

Իսկ պարտություններն ու ձախողումները մեր իրականության բոլոր հատվածներում են: Գուցե անփորձ լինելը արդարացում ունի, բայց երեսպաշտ ստերով ու մանիպուլյատիվ վարքագծով երկիր չեն կառավարում: Դուք սպառել եք անցյայի ուրվականից հասարակությանը ահաբեկելու անհեռանկար վարքը: Դուք ներայի, այս ցավալի ներկայի, միակ պատասխանատուն եք: Դուք մսխելով մսխում եք ժողովրդի անունից խոսելու իրավունքը:

Իսկ այս կոնկրետ ձախողումը կոնկրետ մեղավորներ ունի, ինչին պետք է գնահատական տալ ու պատասխանատվության ենթարկվել: