Արամ Գ. Սարգսյանը դիմել է ԱԳ նախարար Զոհրաբ Մնացականյանին

Դեմոկրատական Կուսակցության նախագահ Արամ Գ. Սարգսյանը նամակով դիմել է ՀՀ արտաքին գործերի  նախարար պարոն Զոհրաբ Մնացականյանին:

Ստորեւ ներկայացնում ենք այն.

«Հարգելի պարոն նախարար,

Սույն թվականի մայիսի 17-ին Հայաստանում Մեծ Բրիտանիայի Միացյալ Թագավորության դեսպանության ֆեյսբուքյան էջում կատարված գրառման համաձայն, դեսպանությունը ծածանել է ծիածանագույն դրոշը՝ ի նշանավորումն Հոմոֆոբիայի, բիֆոբիայի և տրանսֆոբիայի դեմ պայքարի միջազգային օրվա (հղումը):

Ըստ արարողակարգի, ցանկացած օտարերկրյա դիվանագիտական ներկայացուցչություն գտնվող երկրում իրավունք ունի ծածանելու միայն սեփական երկրի պետական դրոշը:

Հայաստանի Դեմոկրատական Կուսակցությունն անընդունելի և դատապարտելի է համարում բրիտանական դեսպանության քայլը:

Պարզաբանեք խնդրեմ, ինչպիսին է եղել ՀՀ ԱԳՆ արձագանքը այդ երևույթին: Վերջիվերջո, ինչպիսին կլիներ մեր պետության արձագանքը, եթե որևէ մի օր որևէ օտարերկրյա դիվանագիտական ներկայացուցչություն ծածաներ ֆաշիստական սիմվոլով դրոշ:

Yerevan.Today-ին բրիտանական դեսպանատնից հայտնեցին, որ նշված նամակում տեղ գտածի հետ դեսպանությունն առնչություն չունի, տեղեկությունն իրականությանը չի համապատասխանում։