Սորոսը կոչ է արել Եվրոպային օգնել Թուրքիայի նախագահին ՌԴ դեմ պայքարում

Աշխարհահռչակ միլիարդատեր Ջորջ Սորոսը հոդված է հրապարակել, որում Եվրոպային կոչ է անում Ռուսաստանի դեմ պայքարում աջակցել Թուրքիային։

Նա նշում է, որ Ռուսաստանը փորձում էր Բաշար Ասադին Սիրիայի նախագահի պաշտոնում, նաև փորձում էր վերականգնել տարածաշրջանային և գլոբալ ազդեցությունը, որը կորցրել էր ԽՍՀՄ փլուզումից հետո։

Նա մեղադրում է Ասադին բռնարար լինելու մեջ, Պուտինին՝ Սիրիայում բռնությունների մեջ։ Իսկ Թուրքիան, ըստ նրա, միակն է, որը հոգ է տարել խաղաղ բնակիչների մասին։ «Ռուսական ինքնաթիռների հարվածներն անցյալ ամիս սպանել են 34 թուրք զինվոր։Սակայն, Թուրքիան չի համարձակվել հարձակվել ուղիղ Ռուսաստանի վրա, քանի որ ռուսական օդուժն ավելի հզոր է։ Ռուսաստանն ատոմային զենք ունի, իսկ Թուրքիան՝ ոչ»,- նշում է Սորոսը։

«Եվրոպան, որը կենտրոնացած է փախստականների հոսքը սահմանափակելու վրա, պետք է գիտակցի, որ Թուրքիան արդեն կրել է հիմնական հարվածը փախստականների մասով։ Թուրքիան արդեն ընդունել է մոտ 3,5 միլիոն փախստական իր երկրի սահմաններում, այն չի կարող Ասադի և Պուտինի կողմից դեպի իր սահմաններ ուղղվող ևս մեկ միլիոն փախստական ընդունել»,- հավելել է նա։