Դուք արևելագետ եք և իրավաբանների ելույթներն անվանեցիք «անբովանդակ»․ Գևորգ Պետրոսյան

Հարգելի պարոն Հակոբյան, Դուք մասնագիտությամբ արևելագետ եք և իրավաբանների ելույթներն անվանեցիք «անբովանդակ»: Օրինակ, ես երբեք ինձ թույլ չեմ տա ասել, որ Դուք կամ մեկ այլ պատագմավոր անբովանդակ ելույթ է ունեցել, - Ազգային ժողովում ասաց ԲՀԿ-ական պատգամավոր Գևորգ Պետրոսյանը, անդրադառնալով «Իմ քայլի» պատգամավոր Վաղարշակ Հակոբյանի կոչին՝ չշեղվել բովանդակությունից և անբովանդակ ելութներ չունենալ:

Անդրադառնալով փաթեթով առաջարկվող փոփոխություններին, որոնցով նախատեսվում է դատավորների տարիքային շեմը 28-ից իջեցնել 25-ի,  Պետրոսյանն ասաց, որ անկախ մասնագիտական ունակություններից՝ 25 տարեկան երիտասարդն իրավունք չունի և չի կարող որոշել մարդկային ճակատագրեր:

«Այդտեղ արդեն հետադարձ չկա, այդտեղ արդեն սխալի դեպքում փրկություն չկա: Այն, որ տարիքը շնորհք է ավելացնում մարդուն, ինչպես հայտնի ֆիլմում է ասվում, պատահական չի աստված, կյանք է դրված դրա մեջ», - ասաց նա:

Մանրամասն՝ տեսանյութում: