10  10  2019

Թուրքիայի՝ Սիրիա ներխուժելու հետևանքով կա 8 զոհ, 20 վիրավոր

Թուրքիայի՝ Սիրիա ներխուժելու հետևանքով կա 8 զոհ, 20 վիրավոր

Թուրքիայի զինուժի կողմից Սիրիայի հյուսիսային շրջաններ հարձակումները շարունակվում են: 

Սիրիայում լույս տեսնող հայկական Գանձասար թերթը նշում է, որ Ղամիշլիի, Դրբեսիեի և Ռաս ուլ Այնի հրթիռակոծումների հետևանքով, հոկտեմբերի 9-ին, զոհվել է 8, վիրավորվել 20 քաղաքացի։ Հրկիզվել է մեկ բնակարան:

Թուքական կողմն ընդլայնում է իր հարձակման՝ «խաղաղության աղբյուր» գործողության աշխարհագրությունը։

Ղամիշլիի հայությունը զգուշավորությամբ հետեւում է դեպքերի զարգացումներին:

Հրթիռներից մեկն ընկել է Ղամիշլիի Բշեյրիե թաղամասի բնակարաններից մեկի վրա: Այդ թաղամասի բնակչությունը ժամանակավորապես փոխադրվել է Ուսթա հայաբնակ թաղամաս, որ ավելի ապահով է։

Ղամիշլիի հայկական դպրոցները փակ են։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ