06 08 2019

Ինչի՞ 15 մլն, 25-30 ասա էլի, 2050թ. ստուգողն ո՞վ ա․ Ղազինյանը՝ վարչապետին

Ինչի՞ 15 մլն, 25-30 ասա էլի, 2050թ. ստուգողն ո՞վ ա․ Ղազինյանը՝ վարչապետին

«Մեկ Հայաստան» կուսակցության հիմնադիր Արթուր Ղազինյանը ֆեյսբուքյան իր էջում գրում է.

«15 միլիոն տուրիստ տարեկան . . .

Բայց ինչի՞ 15, ասել ասելա, մի 25 -30 ասա էլի, ինչ մի համեստություն ես անում, մեկա 2050թ. ստուգողն ովա . . .

Ընդհանրապես, երբ լուրջ մարդն ինչ որ բանա հայտարարում, պարտադիր պետքա ունենա ինչ որ հաշվարկ, հիմնավորում, կանխատեսում։Եթե իհարկե լավ թամադա չի և կենացներ ասելով ու մարդկանց խաբելով գումար չի վաստակում։

Բայց Փաշինյանը լուրջ մարդա և ես վստահ եմ, որ առանց հիմքերի ու հաշվարկների, այդպիսի լուրջ հայտարարություն չէր անի։

Առաջարկում եմ սկսել տեղավորել այդ զբոսաշրջիկներին։ Եթե նույնիսկ մեր բոլոր տները դարձնենք հյուրատուն, Հայաստանն այդքան մարդ չի կարող տեղավորել։ Եվ դրա կարիքն էլ չկա, կարծում եմ, մեր համար 5 միլիոն սահմանագիծ է, որից ավել արդեն կարող է անվտանգային լուրջ ռիսկեր առաջացնել։

Կամ ո՞նց են այդքան մարդ հասնելու Հայաստան, եթե հիմա մենք ունենք, իսկ տեսանելի ապագայում այլ բան չի սպասվում, միայն օդային ճանապարհ՝ տարածաշրջանի ամենաթանկ ծառայություններով։

Մեկ տարվա ընթացքում ամբողջ աշխարհը շրջեցին և արդյունքում հասկացան, որ օդի հարկը պետք է հանել, իսկ օդանավակայանի ծառայությունների գները նվազեցնել։

Ակունք իմաստության . . .

Ու այս արդյունքներով իրենք պատրաստվում են տարեկան 15 միլիոն տուրիստ ընդունեն։

Եթե նույնիսկ օդանավակայանի հնարավորություններն ավելացնենք 5 անգամ, ապա այդ թվին հասնել չենք կարող։

Լավ, բա տեսնես ի՞նչա մտածել։

Հասկացա։ Փաստորեն Նիկոլ Փաշինյանը պատրաստվումա լուծել ռուս-վրացական հակամարտությունը և վերագործարկել Աբխազիայի երկաթգիծը։ Բայց շատ խորամանկնա, չի էլ ասում։ Իսկ Ռուսաստանն ու Վրաստանը տեղյակ ե՞ն, որ շուտով լուծվելու է այդ գրեթէ անլուծելի կոնֆլիկտը, թե իրենց անակնկալա սպասվում։Լավ, եկեք չասենք, անակնկալը չփչացնենք։

Իսկ միգուցե Փաշինյանն իր մտքում արդեն լուծել է Արցախի հակամարտությունը, բացել է Թուրքիայի հետ մեր սահմանը, գործարկել է Ջուլֆայի երկաթգիծը, իսկ այդ 15 միլիոն մեր արևելյան և արևմտյան հարևաններն են, որ Հայաստանը շատ կարոտած լինելով հերթ են կանգնել Հայաստան գալու համար։

Մի խոսքով, Նիկոլ Փաշինյանի գործերն անքննելի են . . .

Հ.Գ. Սարկազմի համար հայցում եմ ընթերցողի ներողամտությունը, բայց այլ կերպ հնարավոր չէր։

#սպասումենքտուրիտին»:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ