11 06 2019

Սպասում ենք «Պաժառ» օպերացիայի բացահայտմանը․ Նաիրա Զոհրաբյան

Սպասում ենք «Պաժառ» օպերացիայի բացահայտմանը․ Նաիրա Զոհրաբյան

ԲՀԿ-ական պատգամավոր Նաիրա Զոհրաբյանը ֆեյսբուքյան էջում գրում է․

«Սպասում ենք «Պաժառ» օպերացիայի բացահայտմանը

Աբովյանում, քաղաքապետի ընտրության նախօրյակին, ընտրական «Սեքընդ հենդ» տեխնոլոգիաների տրամաբանության շրջանակում, հանկարծ այրվում է մի մեքենա և մի տան դուռ:

Այդ տանը, ի դեպ, մանկահասակ երեխաներ կային:

Եւ քանի որ այս ընտրական «պրիյոմը» մեր երկրի հերոսական ընտրական ավանդույթներում վաղուց արդեն «սեքընդ հենդ» կլասի էր, բնականաբար, «պաժառի» հերոստրատները չստացան իրենց ծրագրած քաղաքական և բարոյական էֆեկտը:

Արտեմիսի տաճարի հրկիզման էֆեկտը չստացվեց ու նրանց անունը, բարեբախտաբար, չի մնա պատմության էջերում:

Բայց մեր ոստիկանությունը, որը 1 տարի, մեկուկես ամիս ու մի քանի ժամ արդեն ժողովրդինն է, ուղղակի պարտավոր է գտնել «պաժառի» իդեոլոգիական հորը:

Բոլոր հղումները, որ սա Քենեդու սպանության գործից ու 1990 թվականին Գարդներ թանգարանից Ռեմբրանդտի կտավի գողությունից բարդ գործ է, ու ոչ մի կերպ «նյուհերոստրատի» վրա դուրս չեն գալիս, չեն անցնելու:

Մենք համբերատար սպասելու ենք»:

Հիշեցնենք՝ հունիսի 8-ին ահազանգ էր ստացվել, որ Աբովյան քաղաքում հրկիզել են քաղաքապետի ՔՊ-ական թեկնածուի նախընտրական շտաբներից մեկի պետի բնակարանն ու մեքենան։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ