Սորոսից 1 մլն դոլար ստացած «ազգասերները» խոսում են երիտասարդության անունից․կարծիք

ՀՊՏՀ ուսխորհրդի նախագահ Հովհաննես Հարությունյանը ֆեյսբուքյան իր էջում գրում է․

«Երեկ դիտեցի «Ազատություն» ռադիոկայանի ռեպորտաժը այն մասին, որ «ՌԵՍՏԱՐՏ» քաղաքացիական նախաձեռնության անդամներից մի քանիսը ամբողջ երիտասարդության անունից համարձակորեն հայտարարում են, թե «Երևանի պետական համալսարանում դեռ հեղափոխություն չի եղել»: Չեմ կարող ոչ հանդուրժել, ոչ լռել ու մի քանի բան չասել այդ առիթով:

Տեսեք, թե ովքեր են այս օրերին իրենց իրավունք վերապահում խոսել ամբողջ երիտասարդության անունից: Մարդիկ, ովքեր այս կամ այն եղանակով կապված են մի շարք հասարակական կազմակերպությունների և անհատների հետ, որոնք վերջին երկու տարվա ընթացքում հանրահայտ Սորոսի «Բաց հասարակությունների» հիմնադրամից ընդհանուր հաշվով մոտ 1.000.000 դոլարի չափով տասնյակ դրամաշնորհներ են ստացել: Այդ մասին բազմիցս շատ մանրամասն խոսել եմ, բայց չեմ զլանա մեկ անգամ ևս ներկայացնել տվյալները՝ փաստերով. Սոնա Այվազյան՝ 309 068 ԱՄՆ դոլար, հանդիսանում է «Transparency Intrnational Anticorruption Center» ՀԿ-ի հիմնադիրը:

Գեմաֆին Գասպարյան՝ 124 000 ԱՄՆ դոլար, հանդիսանում է «Boon, Cultural-Scientific Foundation» ՀԿ-ի հիմնադիրը : 

Գայանե Աբրահամյան՝ 248 530 ԱՄՆ դոլար, հանդիսանում է «Article 3» և «For Equal Rights NGO» հիմնադիրը: 

Արսեն Խառատյան՝ 66 474 ԱՄՆ դոլար, հանդիսանում է «Aliq Media» ՀԿ-ի (որը գտնվում է Վրաստանի հանրապետությունում և ֆինանսավորվում է տեղի OSF ֆոնդից) հիմնադիրը:

Ուշադրության է արժանի այն փաստը, որ նրանցից 3-ը՝ Սոնա Այվազյանը, Գեմաֆին Գասպարյանը և Արսեն Խառատյանը հանդիսանում են «ՌԵՍՏԱՐՏ» քաղաքացիական նախաձեռնության հոգաբարձուների խորհրդի անդամներ:

Միաժամանակ, «ՌԵՍՏԱՐՏ»-ի անդամներից մեկը «Հոդված 3»-ում զբաղեցնում է Project Assistant-ի պաշտոնը: «Հոդված 3»-ը իր հերթին համագործակցում է «Teach for Armenia» և «Armenian Progressive Youth» կազմակերպությունների հետ, որոնք էլ իրենց հերթին նույն հիմնադրամից ստացել են 20 000 ԱՄՆ դոլարի դրամաշնորհ:

Հավելեմ, որ Սորոսի հիմնադրամը բաց համագործակցության մեջ է նաև «Institute of Public Policy» (IPP) ՀԿ-ի հետ, որը ևս մեծ գումար է ստացել դրամաշնորհի տեսքով՝ 157 740 ԱՄՆ դոլար և ևս 38 947 ՀՀ դրամ: Իսկ «Ռեստարտ» նախաձեռնության համակարգող Դավիթ Պետրոսյանը մտերմիկ հարաբերությունների մեջ է «IPP»-ի հիմնադիրների հետ և ներկա է գտնվում այդ ՀԿ-ի կազմակերպած բազմաթիվ միջոցառումների: Ամենաակնառուն այն է, որ «Ռեստարտ» հիմնադրամը արդեն բաց կերպով վերջերս 20 000 ԱՄՆ դոլարի գրանտ ընդունեց նույն հիմնադրամից: Ի՞նչ է սա, եթե ոչ անհասկանալի «ազգասիրություն»:

Այսպիսով, 2016-2018 թթ. «Ռեստարտ» հիմնադրամի հետ փոխկապակցված անձինք ՝ հոգաբարձուների խորհրդի անդամները, տարբեր կազմակերպությունների միջոցով Սորոսի հիմնադրամից ստացել են ընդհանուր առմամբ 945 812 $-ի գրանտ ՝ տարատեսակ ծրագրերի իրականացման անվան տակ:

Եվ դեռ այսպիսի մութ ու խճճված պատմություններում ակտիվ ներքաշված անձինք իրենց իրավունք են վերապահում խոսել ամբողջ երիտասարդության անունից: Մի լավ հայկական խոսք կա է. ասում են «մարդ պիտի խոսելու տեղ թողած լինի»: Կարծում եմ՝ ավելին մեկնաբանելու կարիք չկա…»։