Ընտրվեցին Ազգային ժողովի 11 մշտական հանձնաժողովների նախագահները

7-րդ գումարման Ազգային ժողովի 11 մշտական հանձնախմբի նախագահների ընտրության արդյունքներն ամփոփվեցին:

ԱԺ հաշվիչ հանձնաժողովի նախագահ Վահագն Հովակիմյանը ներկայացրեց փակ քվեարկության արդյունքները:

Քվեարկությանը 132 պատգամավորներից մասնակցել էր 129-ը:

«Իմ քայլը» խմբակցության կողմից առաջադրված Առողջապահության և սոցիալական հարցերի մշտական հանձնաժողովի նախագահի պաշտոնում ընտրվեց Նարեկ Զեյնալյանը:

Արտաքին հարաբերությունների մշտական հանձնաժողովի նախագահ ընտրվեց Ռուբեն Ռուբինյանը:

Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ ընտրվեց Մխիթար Հայրապետյանը:

Եվրոպական ինտեգրման հարցերի մշտական հանձնաժողովի նախագահի պաշտոնում առաջադրված Արման Եղոյանի թեկնածությանը կողմ էր քվեարկել 108 կողմ, դեմ՝ 17 պատգամավոր, 4՝ անվավեր:

Մարդու իրավունքների պաշտպանության և հանրային հարցերի մշտական հանձնաժողովի նախագահ ընտրվեց ԲՀԿ խմբակցության կողմից առաջադրված Նաիրա Զոհրաբյանը:

Պաշտպանության և անվտանգության հարցերի մշտական հանձնաժողովի նախագահ ընտրվեց Անդրանիկ Քոչարյանը:

Պետաիրավական հարցերի մշտական հանձնաժողովի նախագահ ընտրվեց Վլադիմիր Վարդանյանը:

Տարածաշրջանային և Եվրասիական ինտեգրման հանձնաժողովի նախագահ ընտրվեց Միքայել Մելքումյանը:

ԱԺ տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովի նախագահ ընտրվեց Վարազդատ Կարապետյանը:

Տնտեսական հարցերի մշտական հանձնաժողովի նախագահ ընտրվեց Բաբկեն Թունյանը:

Ֆինանսաբյուջետային հանձնաժողովի նախագահի պաշտոնում ընտրվեց ԼՀԿ-ի կողմից առաջադրված Մանե Թանդիլյանը: