13 09 2018

Հասկանում ենք ՀՀ կառավարության՝ Սիրիայի հայկական բնակչությանն օգնելու ցանկությունը․ ԱՄՆ դեսպանատուն

Մենք հասկանում ենք Սիրիայի հայկական բնակչությանն օգնելու՝ ՀՀ կառավարության ցանկությունը: Tert.am-ի հարցին ի պատասխան՝ այսպես են ասել Հայաստանում Ամերիկայի Միացյալ Նահանգների դեսպանատնից՝ պատասխանելով հարցին, թե ԱՄՆ-ը՝ որպես սիրիական հիմնախնդրում ներգրավված երկիր, ինչպես է վերաբերում նրան, որ ՀՀ-ն Ռուսաստանի հետ համագործակցությամբ խաղաղապահ առաքելություն է իրականացնելու Սիրիայում:

«Մենք ևս մտահոգ ենք Սիրիայի պատերազմի մարդասիրական հետևանքներով և խաղաղ բնակչության դժվարին վիճակով: Սիրիայում Հայաստանի ենթադրվող առաքելության մասին մեկնաբանություններ չենք կարող տալ, սակայն նշենք, որ Միացյալ Նահանգներն ուշադիր հետևում է Սիրիայի Իդլիբ նահանգում տիրող իրավիճակին, որտեղ երեք միլիոն անմեղ քաղաքացիական բնակչություն գտնվում է շրջապատման մեջ, ու նրանց սպառնում է հարձակում Ասադի ռեժիմի կողմից, որին սատարում են Ռուսաստանն ու Իրանը»,- ասել են դեսպանատնից:

Հիշեցնենք, որ Հայաստանը Ռուսաստանի հետ համագործակցության արդյունքում ՊՆ ներկայացուցիչներ է ուղարկելու Սիրիա՝ խաղաղապահ առաքելություն իրականացնելու: Նրանք գործելու են Հայաստանի դրոշի ներքո:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև

Սպորտ 20 11 2024

Զինվորականների ըմբշամարտի ԱԱ-ի եզրափակիչ են դուրս եկել Հայաստանի 7 մարզիկներ

Պաշտպանության նախարարությունը հայտնել է զինվորականների ըմբշամարտի աշխարհի առաջնության առաջին օրվա արդյունքները