15 08 2018

Թուրքիան ապավինում է վճարովի լոբբիստներին՝ ԱՄՆ-ում իր շահերն առաջ մղելու համար․ Սասունյան

Թուրքիան ապավինում է վճարովի լոբբիստներին՝ ԱՄՆ-ում իր շահերն առաջ մղելու համար․ Սասունյան

«Կալիֆորնիա Կուրիեր» թերթի խմբագիր Հարութ Սասունյանն իր «Հակազդեցություն Էրդողանի քարոզչությանը «Նյու Յորք թայմս» թերթում» հոդվածում գրել է․ «Թուրքիայի կառավարությունը տարիներ շարունակ մի շարք ամերիկյան ընկերություններ է վարձել Վաշինգտոնում՝ լոբբիստական գործունեություն ծավալելու համար: Դա շատ թանկ է, և Թուրքիայի կառավարությունը ստիպված է խոշոր գումարներ ծախսել, քանի որ չի կարող ապավինել Ամերիկայի թուրքական համայնքին՝ իր անունից լոբբիստական գործունեություն ծավալելու համար։ Նույնը իրավիճակում է գտնվում Ադրբեջանը: Թուրքական և ադրբեջանական համայնքներն ակտիվ չեն ամերիկյան քաղաքականության մեջ և այդքան վաղուց գոյություն չունեն, ինչպես հայկական համայնքը:

Ահա թե ինչու են Թուրքիան և Ադրբեջանն ապավինում վճարովի լոբբիստներին՝ ԱՄՆ-ում իրենց շահերն առաջ տանելու համար: Հաշվի առնելով ԱՄՆ-ի և Թուրքիայի հարաբերություններում տեղի ունեցած վերջին սրացումը, հավանաբար Թուրքիայի կառավարության կողմից վարձված ընկերություններից մեկին խնդրել էին սյունակ նախապատրաստել Էրդողանի անունից։ Սյունակը պետք է ավելի շուտ արտացոլեր Էրդողանի տեսակետները, քան PR ընկերության ներկայացուցիչների:

Այն, ինչ հրապարակվել է «Նյու Յորք թայմս» թերթում, Էրդողանի բռնակալական կեցվածքին բնորոշ ճոռոմ հոդված է։ Էրդողանը մերժել է PR ընկերության ավելի դիվանագիտական տեքստը՝ հոդվածը դարձնելով անիմաստ՝ ԱՄՆ-ի վրա դրական ազդեցություն թողնելու իմաստով: Թուրքիայի նախագահի հոդվածն ունի «Ինչպես է Թուրքիան տեսնում ԱՄՆ-ի հետ ճգնաժամը» վերնագիրը և «Միացյալ Նահանգների դեմ Թուրքիայի միակողմանի գործողությունները կվնասեն ամերիկյան շահերին և կստիպեն Թուրքիային փնտրել այլ բարեկամներ ու դաշնակիցներ» ենթավերնագիրը։

Եթե Էրդողանը խելք ունենար, վաղուց հրամայած կլիներ ազատ արձակել Բրանսոնին և խուսափել ԱՄՆ-ի հետ առճակատումից։ Բայց քանի որ Էրդողանը և նրա կրտսեր եղբայր Իլհամ Ալիևն անհավասարակշիռ անձնավորություններ են, նրանք հակագովազդ են անում Թուրքիայի և Ադրբեջանի դեմ, որը որևէ PR ընկերություն չի կարող կարգավորել՝ անկախ վճարվող գումարի մեծությունից»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ