Որևիցե մեկը նեղ գերատեսչական շահով առաջնորդվելու իրավունք չունի. Նորանշանակ ՔԿ նախագահ

Հավաստիացնում եմ, որ որևիցե կոռուպցիոն բնույթի երևույթների հետ ոչ մի առնչություն չեմ ունեցել, իմ առաջնային խնդիրը հենց կոռուպցիայի դեմ պայքարն է: Այս մասին կառավարության  նիստից հետո լրագրողների հետ զրույցում ասաց նորանշանակ ՔԿ նախագահ Արթուր Պողոսյանը՝ անդրադառնալով տարածվող լուրերին, թե նրա անունը կապվում է կոռուպցիոն երևույթների հետ:

Նա նշեց, որ իրեն առաջին հերթին հետաքրքիր է իր գործառույթները պատշաճ կատարելը:

Հարցին՝ ինչի՞ց էր դժգոհ Նիկոլ Փաշինյանը, որ ազատեց Արգիշտի Քյարամյանին և երբ իրեն նշանակել է, չի՞ ասել, ի՞նչն էր խնդիրը, որ այդ խնդիրներն էլ ինքը չկրկնի, Պողոսյանն ասաց. «Յուրաքանչյուր պետական ծառայողի պաշտոնը երբևիցե հավերժ չէ, մի օր աշխատանքի ենք, պաշտոնավարում ենք և մի օր պետք է պատրաստ լինենք լքել այդ պաշտոնը: Ես պատրաստ եմ ծառայել երկրին, այնքան ժամանակ, քանի դեռ իմ կարիքը երկիրը, պետությունը և երկրի ղեկավարությունն ունի»,- շեշտեց նա՝ չբացառելով, որ մի օր էլ իրեն կարող են SMS-ով ազատել պաշտոնից:

Մանրամասն՝ տեսանյութում: