01 07 2024

Կարևորում ենք ԱՄՆ կոնգրեսականների կողմից ներկայացված բանաձևը. Արցախի ԱԺ

Արցախի Հանրապետության Ազգային ժողովի հայտարարություն է տարածել օրերս Կոնգրեսականներ Էշուի և Սմիթի կողմից ԱՄՆ Ներկայացուցիչների պալատ Արցախում իրականացված էթնիկ զտումը դատապարտող երկկուսակցական բանաձևի նախագծի ներկայացման վերաբերյալ։

«Ողջունում ենք ԱՄՆ կոնգրեսականներ Աննա Էշուի և Քրիս Սմիթի կողմից ԱՄՆ Ներկայացուցիչների պալատ ներկայացված բանաձևը, որով առաջարկվում է պաշտոնապես ճանաչել Ադրբեջանի կողմից Արցախում իրականացված էթնիկ զտումները, պատասխանատվություն պահանջել Ադրբեջանից ռազմական հանցագործությունների համար և պաշտպանել արցախցիների՝ անվտանգ և ապահով վերադարձի իրավունքը։

Կարևորում ենք, որ ԱՄՆ կոնգրեսականների կողմից ներկայացված այս բանաձևը դատապարտում է Ադրբեջանի կողմից Արցախի ապօրինի շրջափակումն ու 2023 թվականի սեպտեմբերին սանձազերծած ռազմական ագրեսիան և ԱՄՆ նախագահին ու դաշնային համապատասխան մարմիններին կոչ է անում անհապաղ գործողություններ ձեռնարկել՝

ապահովելու Արցախի բռնի տեղահանված ժողովրդի սեփական հայրենիք ազատ և անվտանգ վերադառնալու հիմնարար իրավունքը՝ անվտանգային ամուր երաշխիքների ներքո,
պատժամիջոցներ կիրառել ռազմական հանցագործությունների համար մեղավոր ադրբեջանական պաշտոնյաների նկատմամբ,
հումանիտար աջակցություն ցուցաբերել Հայաստանին՝ բռնի տեղահանված արցախցիների հումանիտար խնդիրները հասցեագրելու համար,
կասեցնել ԱՄՆ կողմից Ադրբեջանին տրվող ռազմական աջակցությունը
քայլեր ձեռնարկել Ադրբեջանում ապօրինաբար պահվող հայ ռազմագերիների, այդ թվում Արցախի ռազմաքաղաքական ղեկավարության անհապաղ ազատ արձակման և Արցախում հայկական մշակութային ժառանգության պահպանման ուղղությամբ։

Լիահույս ենք, որ կոնգրեսականների կողմից ներկայացված բանաձևը պաշտոնապես կընդունվի Ներկայացուցիչների պալատի կողմից, և դրանում ներկայացված դրույթները կարտահայտվեն ԱՄՆ գործադիրի կողմից վարվող քաղաքականության մեջ՝ նպաստելով Հարավային Կովկասում արդարացի և տևական խաղաղության հաստատմանը։

ԱՀ Ազգային ժողովի նախագահի պարտականությունները կատարող Գագիկ Բաղունց

ԱՀ Մարդու իրավունքների պաշտպան Գեղամ Ստեփանյան

ԱՀ ժողովրդի իրավունքների պաշտպանության հանձնախմբի անդամ Կարեն Բեքարյան», - ասված է հաղորդագրության մեջ։

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Արցախի ԱԺ

Դիտել նաև

Քաղաքական 02 09 2024

ՀՀ իշխանություններին կոչ ենք անում միջազգային ատյաններում օրակարգային դարձնել Արցախի ժողովրդի՝ հայրենիք վերադառնալու իրավունքի հարցը. Արցախի ԱԺ

Շուրջ երեսուն տարիների ընթացքում սահմանադրական ամուր հիմքերով ԼՂՀ ժողովուրդը ապահովում էր հայկական երկրորդ հանրապետության զարգացումը․ հայտարարություն

Քաղաքական 21 08 2024

Բաքուն COP29-ը օգտագործում է՝ մոլորեցնելու համաշխարհային հանրությանը իր ոճրագործություններից․ Արցախի ԱԺ

Համաժողովին հրավիրված պաշտոնյաների անտարբեր մոտեցումը Ադրբեջանի կողմից դիտարկվելու է որպես հանցագործությունների քաջալերանք․ հայտարարություն

Քաղաքական 06 08 2024

Խնդրում ենք կիրառել հասանելի բոլոր գործիքները արշավի սահմանված նպատակների իրագործման համար․ Արցախի ԱԺ փոխնախագահ

Բաքվում նման միջոցառում կազմակերպելու միջազգային հանրության համաձայնությունը՝ լրացուցիչ հիմք է ստեղծում Ադրբեջանի հետագա ագրեսիվ վարքագծի համար․ Բաղունց

Քաղաքական 24 06 2024

ՀՀ իշխանությունները հատել են ինչպես իրավական, այնպես էլ բարոյական արժեքների սահմանը. Արցախի ԱԺ 4 խմբակցություններ

Պահանջում ենք ՀՀ իշխանություններից զերծ մնալ բռնություն, ատելություն և թշնամանք սերմանելու նենգ ու վտանգավոր դրսևորումներից․ հայտարարուն

Քաղաքական 28 02 2024

Նման որոշումների կայացումը հանգեցնելու է հիասթափության ու դժգոհության, կխթանվի արտագաղթը․ Արցախի ԱԺ

Փոխվարչապետի միջոցով արցախյան հանրությանը մատուցվող ՀՀ կառավարության կողմից նախատեսվող ծրագրերը համարժեք չեն տիրող իրավիճակին․ հայտարարություն

Քաղաքական 27 02 2024

36 տարի անց Ադրբեջանի իշխանությունների գործելաոճը որևէ փոփոխություն չկրեց. հայտարարություն

Արցախի ԱԺ նախագահի հայտարարությունը 1988թ. Սումգայիթյան ջարդերի 36-րդ տարելիցի կապակցությամբ