Ադրբեջանը օրինական իրավունք ունի պահանջելու, որ այդ պնդումները բացառվեն Սահմանադրությունից. Հաջիզադե

Ադրբեջանի ԱԳՆ մամուլի քարտուղար Այխան Հաջիզադեն մեկնաբանել է Հայաստանի արտաքին գործերի նախարարության հունիսի 7-ի հայտարարությունը՝ նախ նշելով, որ «այն իրականում ոչ այլ ինչ է, քան որպես միջազգային հանրության ուշադրությունը շեղելու մտադրություն այն մարտահրավերներից, որոնք խոչընդոտ են հանդիսանում Ադրբեջանի և Հայաստանի միջև խաղաղության հասնելու համար»։

«Այսօր իրական գլխավոր խնդիրը Ադրբեջանի դեմ շարունակվող տարածքային պահանջներն են, որոնք ամրագրված են Հայաստանի բազմաթիվ իրավական և քաղաքական փաստաթղթերում, հատկապես Հայաստանի Սահմանադրության մեջ, որն ուղղակիորեն վերաբերում է Հայաստանի անկախության ակտին՝ կոչ անելով «Հայաստանի և Լեռնային Ղարաբաղի միավորումը»»,-ասել է Ադրբեջանի ԱԳՆ մամուլի քարտուղար Այխան Հաջիզադեն։

Ըստ Ադրբեջանի ԱԳՆ-ի, «Ադրբեջանը օրինական իրավունք ունի պահանջելու, որ այդ պնդումները, որոնք ուղղակիորեն ազդում են Ադրբեջանի ազգային անվտանգության վրա, բացառվեն Սահմանադրությունից, և դա չի կարող դիտվել որպես միջամտություն Հայաստանի ներքին գործերին։